O'zbekistonlik taekvondochilar Osiyo o'yinlarida medallar uchun kurash boshladi

XX yozgi Osiyo o‘yinlari doirasida 1–3 oktyabr kunlari Yaponiyaning Toyohashi Gymnasium majmuasida taekvondo bahslari o‘tkazilmoqda. Bu haqda One.uz xabar beradi.

Ushbu musobaqaning eng e’tiborga molik jihati an’anaviy pumse va kyorugi bahslari bilan bir qatorda virtual taekvondo bo‘yicha ham medallar o‘ynalishi. O‘zbekiston terma jamoasi uch kun davomida turli vazn toifalarida Osiyo chempioni unvonini va medallarni uchun kurash olib boradi.

O‘zbekiston terma jamoasi tarkibi Erkaklar terma jamoasi to‘rt vazn toifasida ishtirok etadi. -58 kg toifasida Asadbek Samandarov, -68 kg da Najmiddin Qosimxojiyev, -80 kg da Jasurbek Jaysunov va +80 kg toifasida Marat Mavlonov yurtimizni himoya qiladi.

Ayollar jamoasidan esa uch sportchi qatnashmoqda: -57 kg da Madina Mirabzalova, -67 kg da Ozoda Sobirjonova va +67 kg toifasida Svetlana Saidova tatamiga chiqadi. Virtual taekvondo ishtiroki Osiyo o‘yinlari dasturiga yangi kiritilgan virtual taekvondo yo‘nalishida O‘zbekiston nomidan Jasurbek Jaysunov ishtirok etadi.

Bu esa Jaysunovning nafaqat -80 kg vazn toifasidagi an’anaviy kyorugi bahslarida, balki virtual realistik texnologiyalarga asoslangan yangi yo‘nalishda ham yurtimiz sharafini himoya qilishi degani. Musobaqalar jadvali Bahslar 1 oktyabr kuni individual pumse musobaqalari bilan boshlanadi.

2 oktyabr kuni virtual taekvondo va kyorugi bahslari o‘tkaziladi. 3 oktyabr kuni esa taekvondo WT bo‘yicha barcha musobaqalar yakunlanadi.

Shunday qilib, uch kun davomida sport muxlislarini uchta yo‘nalishdagi bellashuvlar kutib turadi. Manba: One.uz