AQSh va Xitoy TikTok bo‘yicha kelishuvga yaqinlashmoqda
Amerika Qo‘shma Shtatlari va Xitoy TikTok ilovasi bo‘yicha kelishuvga yaqinlashmoqda. Bu haqda Zamin.uz xabar berdi.
Prezident Donald Tramp va Xitoy raisi Si Szinpin juma kuni uchrashishi kutilmoqda. Muzokaralar TikTok’ning AQShdagi faoliyatini amerikalik kompaniyalarga topshirish masalasiga qaratilgan.
Asosiy muammo TikTok algoritmida bo‘lib, Xitoy uni to‘liq berishga tayyor emas, faqat litsenziya asosida ulashishni taklif qilmoqda. Mutaxassislar bu holat ilovaning imkoniyatlarini cheklashi mumkinligini bildiradi.
Kelishuv Kongress tomonidan ham tasdiqlanishi zarur, biroq ba’zi qonunchilar Xitoy ta’sirining saqlanib qolishidan xavotirda. Shuningdek, TikTok’ning boshqa mamlakatlardagi faoliyati ham noaniq qolmoqda.
Ekspertlar fikricha, Pekin algoritmni o‘zida saqlab, litsenziya berish orqali texnologiyalarini boshqa davlatlarga ham yoyishni maqsad qilmoqda. Bu esa ikki davlat o‘rtasidagi savdo munosabatlariga ta’sir ko‘rsatishi mumkin.
Muammo hal etilishi uchun muzokaralar davom etmoqda va kelgusida yanada aniq qarorlar qabul qilinishi kutilmoqda.
