Meta Buyuk Britaniyada reklamasiz obunani joriy qildi
Meta kompaniyasi Buyuk Britaniyada Facebook va Instagram foydalanuvchilari uchun pullik obuna tizimini joriy qilmoqda. Bu haqda Zamin.uz xabar berdi.
Endilikda foydalanuvchilar oyiga taxminan uch dollar to‘lab, ijtimoiy tarmoqlardan reklamasiz foydalanish imkoniga ega bo‘ladi. Kompaniya ma’lumotlarni reklama maqsadida ishlatishga rozilik berish yoki uni cheklash foydalanuvchilarning o‘z qo‘lida ekanligini ta’kidladi.
Bu esa odamlarning shaxsiy ma’lumotlari ustidan ko‘proq nazorat qilishiga yordam beradi. Shuningdek, reklama asosida bepul foydalanish imkoniyati ham saqlanib qoladi.
Yevropaning boshqa davlatlarida bunday xizmat allaqachon mavjud bo‘lib, oyiga taxminan olti dollar turadi. Buyuk Britaniyada esa narx pastroq qilib, mobil ilovada to‘rt dollar qilib belgilangan.
Mutaxassislar bu qarorni ijobiy baholab, foydalanuvchilarning shaxsiy ma’lumotlaridan foydalanish ustidan ko‘proq nazoratga ega bo‘lishini ta’kidlashmoqda. Bu yangilik ijtimoiy tarmoqlardan foydalanishni yanada qulay va xavfsiz qiladi.
