YouTube “Ikkinchi imkoniyat” nomli yangi dasturni ishga tushirdi. Bu haqda Zamin.uz xabar berdi.
Ushbu dastur bloklangan kontent yaratuvchilariga bir yildan so‘ng platformaga qayta kirish uchun ariza berish imkonini beradi. Bu haqda Rozetked.me sayti xabar berdi.
Kompaniya ta’kidicha, “Ikkinchi imkoniyat” dasturi apellyatsiya emas. U qarorni rasmiy ravishda qayta ko‘rib chiqish imkonidan foydalanib bo‘lgan foydalanuvchilar uchun mo‘ljallangan.
Har bir holat alohida ko‘rib chiqiladi va qaror buzilish xarakteri hamda amaldagi qoidalarga mosligi asosida qabul qilinadi. Shuningdek, mualliflik huquqini buzgan kanallar ushbu dasturda ishtirok eta olmaydi.
Ariza tasdiqlangach, muallif yangi kanal yaratishi, avvalgi videolarini qayta joylashi (agar ular joriy qoidalarga zid bo‘lmasa) va monetizatsiyani faollashtirishi mumkin bo‘ladi. Yangi funksiya haqidagi ogohlantirishlar yaqin oylarda YouTube Studio ish stoli versiyasida paydo bo‘ladi.
Dastur Google’ning AQSh Kongressmeni Jim Jordanga yo‘llagan xati asosida joriy etildi. Ushbu xatda kompaniya COVID-19 va saylovlarga oid noto‘g‘ri ma’lumotlar sababli bloklangan kanallarni tiklash niyatini bildirgan edi.
