Joze Mourino - so'nggi yangiliklar

Fenerbahche futbol klubi bosh murabbiyi Joze Mourino o‘z jamoasida Manchester Yunayted futbolchisini ko‘rishni istaydi. Bu haqida Euro-football.ru xabar berdi. Gap ushbu klubda to‘p surayotgan vinger Alehandro Garnacho haqida bormoqda. Ma’lumotlarga ko‘ra, Manchester Yunayted bosh murabbiyi Ruben Amorimning rejasida Garnacho uchun o‘rin yo‘q. Transfer News Live nashri Milliyetga tayanib xabar berishicha, Fenerbahche Garnachoni sotib olish uchun 45 million yevro taklif qilish imkoniyatini ko‘rib chiqmoqda. Avvalroq matbuotda 21 yoshli Alehandro Garnacho yozgi transfer oynasi yopilguniga qadar Chelsi klubiga o‘tishni istagani haqida ham xabarlar tarqalgan edi. Shuningdek, Garnacho Manchester Yunayted bilan amal qilayotgan shartnomaga ega. Ushbu shartnoma 2028 yilning o‘rtasiga qadar davom etadi. Shu sababli, futbolchining kelajagi borasida yakuniy qaror hali qabul qilinmagan. Fenerbahche va boshqa klublar uning transferi yuzasidan muzokaralarni davom ettirmoqda.

Joriy mavsumning birinchi qismida chuqur inqirozga yuz tutgan «Roma» klubini murabbiy Klaudio Raneri yana bir bor qutqarib qoldi. Qadrdon jamoasi uchun faoliyatini qayta tiklagan 73 yoshli italiyalik mutaxassis qisqa muddat ichida «bo‘rilar»ni Yevropa maydonlarida o‘tadigan musobaqalarga yo‘llanma uchun kurasha oladigan darajaga olib chiqdi. Hech qanday yirik transferlarsiz va jahon yulduzlarisiz ham kuchli jamoa shakllantirish mumkinligini namoyish qilgan Raneri, shu bilan oldingi murabbiylar Joze Mourino, Daniele De Rossi va Ivan Yurichlarning natijalarini sezilarli darajada yaxshiladi. Shu bilan birga, mavsum yakuni qanday natija bilan tugashidan qat’i nazar, Raneri bosh murabbiylik lavozimini topshiradi. U klub rahbariyatiga maslahatchi sifatida o‘z faoliyatini davom ettiradi. Ayni paytda esa «Roma» mutasaddilari yangi bosh murabbiy masalasini ko‘rib chiqishyapti va buning uchun munosib nomzod qidirilmoqda. Biroq kim bosh murabbiy bo‘lishidan qat’i nazar, klub rahbariyati yangi murabbiy uchun qolishi kafolatlangan futbolchilar ro‘yxatini tuzib qo‘ydi. Corriere dello Sport nashrining yozishicha, «Roma» rahbariyati tomonidan darvozabon Mile Svilar, himoyachilardan Anjelino, Evan Ndika, Janluka Manchini, yarim himoyachilar Leandro Paredes va Stefan El-Shaaravi, shuningdek, hujumchi Paulo Dibala va Matias Sulening klubda qolishi kafolatlangan. Biroq «Roma» ishqibozlari va futbol ekspertlarini hayratga solgan holat ham mavjud. Klub sardori Lorenso Pellegrini, katta pul evaziga transfer qilingan to‘purar Artyom Dovbik va keyingi paytda jamoaning eng muhim futbolchilaridan biriga aylangan o‘zbek legioneri Eldor Shomurodov bu ro‘yxatda joy olmagan. Shu bilan birga klub mutasaddilari Artyom Dovbik va Eldor Shomurodov juda yaxshi takliflar kelib tushgandagina boshqa jamoalarga transfer qilinishi mumkinligini ma’lum qilgan. Joriy mavsum Eldor Shomurodov uchun Italiyadagi eng muvaffaqiyatli mavsumlardan biri bo‘lmoqda. 2021 yildan beri «Roma» sharafini himoya qilib kelayotgan o‘zbekistonlik hujumchi, A Seriya, Italiya kubogi va Yevropa ligasi doirasida jami 33 uchrashuvda maydonga tushib, 7 ta gol urdi va 4 bor sheriklariga golli pas berdi. Agar u qolgan uchrashuvlarda yana bitta gol ursa, Italiyadagi faoliyatidagi shaxsiy rekordini takrorlaydi. Eslatib o‘tish kerakki, Eldor 2020-2021 yilgi debyut mavsumida «Jenoa» safida 8 ta gol urgan edi va shu natija uning hozircha eng yaxshi ko‘rsatkichi hisoblanadi. Joriy mavsum davomida Shomurodov ikki marta boshqa klublarga transfer bo‘lishga yaqin keldi. Yozgi transfer oynasi yopilishidan avval AQSHning «Atlanta Yunayted» klubi uni transfer qilishga ulgurmay qoldi. Yanvar oyida esa «Venetsiya» jamoasi Eldorni o‘z tarkibiga qo‘shib olish arafasida turganida, Raneri uning Rimda qolishini istadi. Bu qarorning to‘g‘ri ekani ham o‘z tasdig‘ini topdi — Eldor chempionatning hal qiluvchi paytida «Roma»ga juda katta foyda keltirmoqda. O‘zbekiston milliy terma jamoasi hujumchisining so‘nggi paytlardagi yorqin o‘yini va natijalardagi o‘sishi sababli «Roma» rahbariyati Eldor Shomurodov bilan shartnomani uzaytirishga qaror qildi. Yaqinda imzolangan yangi kelishuvga ko‘ra, o‘zbek legioneri 2027 yilning 30 iyunigacha rimliklar sharafini himoya qiladigan bo‘ldi.

"Roma" klubining egalari Fridkinlar oilasi ko‘p yillardan beri o‘z jamoalarini Yevropa Chempionlar ligasida ko‘rishni orzu qilishadi. 2021 yili bu maqsad uchun mashhur mutaxassis Joze Mourino klubga bosh murabbiy etib tayinlangan edi. Ammo portugaliyalik murabbiy uch yillik urinishlariga qaramay bu vazifani uddalay olmadi va vaziyatni «men sehrgar Garri Potter emasman» degan gap bilan tushuntirdi. Joriy mavsum boshida «Roma»dagi inqirozni bartaraf qilish uchun ishga kirishgan 73 yoshli Klaudio Raneri esa, katta transferlar yoki sehrli tayoqchasiz ham bu vazifani bajarish mumkinligini isbotladi. Ayniqsa, ikki futbolchi – Matias Sule va Eldor Shomurodovni qayta kashf qilgani ko‘pchilikni hayratga solmoqda. Bu ikki futbolchi klub rahbariyati va avvalgi murabbiylarga keraksiz hisoblangan edi. Asosiy yulduz Paulo Dibalaning jarohati va to‘purar Artyom Dovbikning o‘yin darajasi tushib ketishiga qaramay, aynan Shomurodov va Sulening yorqin chiqishlari rimliklarga muhim ochkolarni olib kelmoqda. Sule yozda jamoaga kelganidan keyin boshida asosiy tarkibga kira olmagan bo‘lsa, Raneri uning potensialini ko‘rib, unga ishonch bildirdi. Argentinalik futbolchi so‘nggi 9 o‘yinda 3 ta gol va Shomurodovga 2 ta golli uzatma berdi. Shomurodov esa, mavsum davomida ikki marta ketish haqida o‘ylagan bo‘lsa ham, italiyalik murabbiyning ishonchi evaziga jamoaning asosiy hujumchisiga aylandi. Raneri o‘tgan yili ham “Kalyari”da Eldor bilan ishlab, uning imkoniyatlariga yuqori baho bergandi. Bu mavsumda o‘zbek futbolchisi 7 gol va 3 ta assist bilan jamoaga katta hissa qo‘shmoqda. Ekspertlar ta’kidlashicha, Shomurodov va Sule tandemi so‘nggi 6 o‘yinda 4 gol va 1 assist bilan jamoaga muhim ochkolar olib keldi. Xususan, “Empoli”, “Latsio”, “Yuventus” va “Verona” bilan o‘yinlardagi natijalar ularning hisobiga yozildi. Endi “Roma”ni chempionlik uchun kurashayotgan “Inter”ga qarshi muhim bahs kutmoqda. O‘tgan mavsumda Shomurodov “Kalyari” tarkibida milanliklarni goli bilan ranjitgan va g‘alabadan mahrum etgan edi. Bu gal ham Raneri “Inter”ga qarshi o‘yinda Sule va Shomurodovdan umidvor. “Inter” – “Roma” bahsi 27 aprel kuni Toshkent vaqti bilan 18:00 da boshlanadi.

Taniqli va tajribali italiyalik mutaxassis Klaudio Ranerining «Roma» klubidagi faoliyatini qayta boshlashi o‘zbekistonlik forvard Eldor Shomurodovning karyerasida butkul yangi sahifa ochdi. Joze Mourino, Daniele de Rossi, Ivan Yurich kabi avvalgi murabbiylar davrida deyarli imkoniyat berilmagan va o‘z iqtidorini namoyish etish uchun qiyinchiliklarga duch kelgan Eldor, ayni damda jamoaning asosiy figurasiga aylandi. Joriy mavsumning hal qiluvchi pallasida Raneri o‘zbek futbolchisiga katta ishonch bildirib, uning chinakam salohiyati ochilishiga imkon yaratdi. A Seriyaning 33-turidan o‘rin olgan «Verona»ga qarshi uchrashuvda aynan Eldor Shomurodov tomonidan uchrashuvning 4-daqiqasida kiritilgan yagona gol rimliklarga juda muhim g‘alabani taqdim etdi. Ushbu g‘alaba bilan «Roma» Chempionlar ligasi yo‘llanmasi uchun kurashish imkoniyatini saqlab qoldi. Bu esa tabiiyki, klub muxlislarining ham diqqatini jalb etmoqda. «Roma»ning ijtimoiy tarmoqlardagi rasmiy sahifalarida muxlislar o‘zbek forvardining o‘yinini yorqin so‘zlar bilan alohida ta’riflashmoqda. Galileo Chiominto: — Shomurodov uchrashuvni ajoyib boshladi. Shu tariqa davom etsa, biz "Rahmat, “Roma”" qo‘shig‘ini kuylashga tayyormiz! Stefano Cardarella: — Shomurodov bugun barchani qutqardi. «Roma» unga va Raneriga haykal qo‘ysa ham arziydi. Manchini, Svilar, Sule, Chelik, Kristante ham yaxshi harakat qildi, boshqalar esa uyg‘onishi kerak. David la Gamba: — Eldor qiyin vaziyatlarda ham gol urishni uddaladi. U hujumda faqat bir joyda turmay, maydon bo‘ylab keng harakatlanadi, zarur paytlarda himoyaga ham yordam beradi. Shu sababli ham Dovbikning o‘rni zaxira o‘rindig‘ida ekan. Sergio Pistoia: — Eldor, mavsum oxirigacha aynan shu ruhda davom et! Luke Hd: — Va nihoyat, bizga haqiqiy hujumchi kerak edi. Shomurodov buni uddaladi. Sule ham unga ajoyib yordam berdi. Alessio Alessio: — Eldor haqida ko‘p gap-so‘z bo‘ldi, biroq u o‘z ishining ustasi ekanini yana bir marta isbotladi va o‘ziga xos uslubda gol kiritdi. Riccardo Ferrazza: — Shomurodovning jamoada qolgani katta omad bo‘ldi. Murakkab vaziyatlarda jamoaga katta foyda keltirmoqda. Zen Ilao Arenas: — Eldor, yana bir gol urib, bizga g‘alaba taqdim et. Sitembiso Mngxozana – FinerThings: — Yigitlardan shubhalangan edim, biroq Shomurodov hammaga haqiqiy g‘alabani olib berdi. Michela Annunziata: — Eldor ajoyib ish qildi, haqiqiy qahramon! Giovanni Peloso: — «Roma»ning o‘yini juda yaxshi bo‘lmadi, himoya zaif edi, yarim himoya ham yaxshi emasdi. Hammani faqat Eldor Shomurodovning yagona goli qutqardi. Haqiqatan ham Eldorning bugungi kunda «Roma»dagi roli tobora ortib bormoqda va bu o‘zbek futboli muxlislari uchun ham g‘ururlanishga sabab bo‘lmoqda.

Italiya A Seriyasi qizg‘in pallaga kirdi. Bu marraga kelguncha esa “Roma” jamoasi katta yo‘l bosdi. Klubning 73 yoshli murabbiyi Klaudio Raneri qisqa vaqt ichida jamoani qaysi holatdan qaysi holatga olib kelganini ko‘rganlar hayratda. Eng qizig‘i — o‘zbekistonlik Eldor Shomurodovning yana “Roma”da porlashini aynan shu mutaxassis ta’minladi. “Eldor – rahbarlik qobiliyati bor o‘yinchi” Raneri yaqinda bergan intervyusida Eldor va uning safdoshi Artyom Dovbik haqida to‘xtalib o‘tdi. “Ular mehnatkash, jamoaviy o‘yinga moyil. Eldor ikkinchi hujumchi sifatida yaxshi harakat qiladi. U xudbin emas. Faqat ba’zida undan darvozaga ko‘proq zarba berishini so‘rayman”, — dedi u. Murabbiyga ko‘ra, ikkalasini bir paytda maydonga tushirish oson qaror emas. Chunki u o‘yin jarayonida taktik o‘zgarish qilish imkoniga ega bo‘lishni xohlaydi. “Roma”dagi burilish qanday boshlandi? Raneri “Roma”dagi vazifani qabul qilganida, o‘zi ham bu qadar tez o‘zgarish bo‘lishiga ishonmagan. Bir haftadan keyin ketishni o‘ylagandim, deydi u. Ammo jamoa unga jon kuydirib harakat qilgan, u esa qaytib ketmadi. Endilikda esa natijalar hammani so‘zsiz hayratda qoldirmoqda. Mourino ketdi, Eldor qoldi Eldor Shomurodov “Jenoa”da yorqin o‘yinlaridan so‘ng Joze Mourino qo‘lida “Roma”ga olib kelingandi. Biroq portugaliyalik mutaxassis uni doimiy maydonga tushirmasdi. Mourino, De Rossi, Yurich... birortasi “Roma”ni Chempionlar ligasi sari yetaklay olmadi. Ammo pensiyadan qaytgan Raneriga bu ishni amalga oshirish imkoni bor. Eldor – endi yetakchi Joriy mavsumda ikki marta jamoani tark etishga yaqin kelgan Eldor hozir “Roma”ning eng muhim figuralaridan biriga aylandi. Bu holatdan so‘ng klub u bilan shartnomani 2027 yilning yozigacha uzaytirishga qaror qildi. Eldor Shomurodovning ketayotgan deb o‘ylangan paytda jamoada qolib, yetakchiga aylanishi – futbol hayotidagi eng tassurotli burilishlardan biri bo‘lsa kerak. Siz nima deb o‘ylaysiz – “Roma” Chempionlar ligasiga chiqa oladimi?

2025 yil 15 dan 19 sentyabrga qadar Toshkent shahrining sakkiz tumani ayrim hududlarida issiq suv ta’minoti vaqtincha to‘xtatiladi. Bu haqda Zamin.uz xabar berdi. Bu haqda Kursiv.media xabar berdi. Issiq suv uzilishi Veolia Energy Tashkent kompaniyasi tomonidan qish mavsumiga tayyorgarlik doirasida amalga oshirilayotgan profilaktika ishlari bilan bog‘liqdir. Issiq suv ta’minoti uziladigan hududlar quyidagilardan iborat: Yashnobod tumani, jumladan Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Chulpon, Alimkent ko‘chalari, shuningdek Tuzel-1 dan 4 gacha bo‘lgan massivlar, Uysizlar-1, Asalobod-1 va 2 massivlari hamda Aviasozlar shaharchasi. Mirobod, Yunusobod, Shayxontohur va Yakkasaroy tumanlarida Amir Temur va Mustaqillik prospektlari, Sharof Rashidov, Navoiy, Bobur, Glinka, Shota Rustaveli, Bogiboston va Arnasoy ko‘chalari hamda boshqa ayrim hududlarda issiq suv berilishi to‘xtaydi. Chilonzor tumanida Katta Chilonzor, Muqimi, Seul va Choponota ko‘chalari hamda Ts-1, 2, 4, 5, 7, Oqtepa, Chilonzor (1-5, 7, E, I), Qushbegi, Boshliq va Uchuvchilar shaharchalari issiq suv ta’minotidan uziladi. Shuningdek, Sergeli va Mirzo Ulug‘bek tumanlarining ayrim hududlarida ham issiq suv uzilishi kuzatiladi. Fuqarolardan ushbu vaqt davomida suvdan oqilona foydalanishlari va zarur ehtiyot choralarini ko‘rishlari so‘raladi. Profilaktika ishlari tugagach, issiq suv ta’minoti tiklanadi. Manba: Kursiv.media

Apple kompaniyasi yaqinda yangi iPhone 17 smartfonini taqdim etdi. Bu haqida Zamin.uz xabar berdi. Toshkentdagi "Malika" bozorida sotuvchilar bilan suhbat natijasida ushbu yangi modellar uchun taxminiy narxlar aniqlangan. Ma’lum bo‘lishicha, iPhone 17 smartfonlari O‘zbekistonda 23 sentyabrdan boshlab sotuvga chiqariladi. Narxlar xotira hajmi va qurilmaning funksiyalariga qarab farqlanadi. Masalan, iPhone 17 ning 256 gigabaytli modeli taxminan 16 million 250 ming so‘m atrofida baholanmoqda. Kattaroq xotira hajmiga ega modellarning narxi esa yuqoriroq bo‘ladi. iPhone 17 Pro va Pro Max versiyalari esa yanada ko‘p funksiyalar va imkoniyatlarga ega bo‘lib, ularning narxlari 23 million so‘mdan boshlanib, 50 million so‘mga yaqinlashadi. Ushbu yangi smartfonlar O‘zbekiston bozorida katta qiziqish uyg‘otishi kutilmoqda. Xaridorlar uchun eng maqbul variantni tanlashda xotira hajmi va byudjet muhim omillar hisoblanadi. Shuningdek, rasmiy savdo nuqtalarida to‘liq kafolat va xizmat ko‘rsatish imkoniyatlari taqdim etilishi kutilyapti. Yangi iPhone 17 modellarining O‘zbekistonda sotuvga chiqishi smartfon bozorida yangiliklar va raqobatni kuchaytiradi.

Mashhur turk aktrisasi Hande Erchel va tadbirkor Hakan Sabanji o‘rtasidagi munosabatlarga doir so‘nggi paytlarda ko‘plab mish-mishlar tarqalmoqda. Bu haqida Zamin.uz xabar berdi. Ayniqsa, juftlikning ajrashgani haqidagi xabarlar muxlislar orasida katta qiziqish uyg‘otdi. Gel Konuşalım dasturida ilk bor gapirgan Hakan Sabanji esa ularning munosabatlariga oid da’volarga o‘z munosabatini bildirdi. U shaxsiy hayoti haqida keng gapirishni istamagan bo‘lsa-da, ayrim gap-so‘zlarga aniqlik kiritdi. Hakan Sabanji ajralish masalasini muhokama qilishni istamasligini, chunki bu ularning shaxsiy hayotiga taalluqli ekanligini ta’kidladi. Shuningdek, u xiyonat haqidagi mish-mishlar mutlaqo asossizligini bildirdi. Oldinroq Hande Erchel ijtimoiy tarmoqlardagi sahifasidan Sabanji bilan tushgan barcha suratlarini o‘chirib tashlagan edi. Bu esa turk matbuotida ularning ajralgani haqidagi xabarlarga asos bo‘ldi. Mashhur jurnalist Birsen Altuntash juftlik orasida jiddiy kelishmovchilik borligini ta’kidlagan, ammo rasmiy ajrim hali sodir bo‘lmaganini ma’lum qilgan. Shunga qaramay, Hande va Hakan hanuz bir-birlariga ijtimoiy tarmoqlarda obuna bo‘lib qolishgan. Muxlislarning bir qismi ularning munosabatlari qayta tiklanishiga umid bildirsa, boshqalar esa bu jarayon shunchaki ommaviy axborot vositalari uchun reklama bo‘lishi mumkinligini taxmin qilmoqda.

Vengriyaning Seksard shahrida noodatiy va qiziqarli voqea – qabr qazish bo‘yicha 18-xalqaro chempionat bo‘lib o‘tdi. Bu haqida Zamin.uz xabar berdi. Ushbu musobaqa mamlakatning Qabr qazuvchilar uyushmasi tomonidan aniq reja va tartib asosida tashkil etildi. Tadbir kasb sohasi nufuzini oshirishga xizmat qildi. Musobaqada ishtirokchilar ikki kishilik jamoalar shaklida qatnashdi. Ularga ikki soat vaqt berildi. Shu vaqt ichida har bir jamoa 200x80 santimetr o‘lchamda va 160 santimetr chuqurlikda qabr qazishi kerak edi. Ushbu qoidalar ishtirokchilardan nafaqat mahorat, balki diqqat va tezkorlikni ham talab qildi. Chempionat yakunida Parakletosz Nonprofit jamoasi g‘olib deb topildi. Bu jamoa ketma-ket ikkinchi yil chempionlikni qo‘lga kiritdi, bu ularning puxta tayyorgarligi va kasbiy darajasining yuqori ekanligini ko‘rsatdi. Tashkilotchilarning ta’kidlashicha, bunday musobaqalar kasb nufuzini oshirish bilan birga, yosh avlodni professional mutaxassislar bilan yaqindan tanishtiradi. Shuningdek, ishtirokchilarga jamoaviy hamkorlik va sog‘lom raqobat muhitida ishlash ko‘nikmalarini rivojlantirishga yordam beradi. Bu tadbirlar kasbiy malakani oshirish va sohani yanada rivojlantirish uchun muhim ahamiyatga ega.

O‘tgan yillarda "Yuventus" jamoasida o‘ynagan taniqli futbolchi Edgar Davids tanishi Nabila Habibining o‘g‘irlik qilgani haqida xabar oldi. Bu haqida Euro-football.ru xabar berdi. Bu haqda ad.nl portali ma’lumot berdi. Nashr ma’lumotlariga ko‘ra, Davids o‘zining rasm kolleksiyasining o‘g‘irlanganini bir necha yil o‘tib bilib qolgan. U kolleksiyani ishonch bildirgan odamga topshirgan edi. Bir muddat Habibi ham uning uyida yashagan. Davids kolleksiyasi xavfsiz joyda saqlanayotganiga ishonar ekan, Habibi 37 ta rasmni o‘g‘irlab, ularni turli lombardlarga garovga qo‘ygan va taxminan 30 ming yevro olgan. 2017 yilda Habibi qarzlarini to‘lay olmagach, lombardlar rasmlarni sotish huquqiga ega bo‘lgan. Sotib olganlardan biri rasmning orqa tomonida Davidsning ismini ko‘rib, ijtimoiy tarmoqlar orqali unga murojaat qilgan. Shundan so‘ng Davids sudga murojaat qilgan. Habibi o‘g‘irlikni tan olgan. Avvalroq u jinoyat ishlari bilan bog‘liq muammolarga duch kelgan va tanishidan 3500 yevro olgan holda qoldirgan edi.

Toshkent shahrida va viloyatida transport xizmatlarini yaxshilash maqsadida yangi 177-sonli avtobus yo‘nalishi ishga tushirildi. Bu haqda Zamin.uz xabar berdi. Ushbu yo‘nalish yo‘l harakati xavfsizligini ta’minlash va infratuzilmani rivojlantirish doirasida tashkil etilgan. 2025 yil 16 sentyabrdan boshlab yo‘lovchilar uchun xizmat ko‘rsatadigan ushbu marshrut Toshkent viloyatining Iftixor mahallasidan boshlanib, poytaxt markazidagi Chorsu metro bekatigacha qatnaydi. Bu yangi yo‘nalish viloyat aholisi uchun shahar markaziga qulay va tez yetib borish imkonini yaratadi. Yo‘nalishda jami sakkizta zamonaviy avtobus harakat qiladi. Ular King Long XMQ 6900EGW rusumidagi o‘rta sig‘imli, uzunligi 9,5 metr bo‘lgan transport vositalari bo‘lib, yuqori sifat va xavfsizlik talablariga javob beradi. Avtobuslar har kuni soat 05:30 dan 23:17 gacha qatnovni amalga oshiradi. Bu esa yo‘lovchilarga ertalabdan kechgacha muntazam va ishonchli transport xizmatidan foydalanish imkonini beradi. Yangi yo‘nalish ishga tushirilishi bilan viloyatdan poytaxtga keladiganlar uchun transportda katta qulaylik va vaqt tejash ta’minlanadi. Shu bilan birga, yo‘l harakati xavfsizligi oshiriladi va shahardagi transport tizimi samaradorligi yaxshilanadi. Ushbu ma’lumotlar zamin.uz sayti orqali tasdiqlangan.

London shahrida tarixdagi eng yirik namoyishlardan biri bo‘lib o‘tdi. Bu haqida Zamin.uz xabar berdi. Ma’lumotlarga ko‘ra, taxminan 1,5 million kishi «Qirollikni birlashtir» shiori ostida ko‘chalarga chiqdi. Ushbu katta aksiya Temza daryosining janubiy sohilida joylashgan Sazerk tumanida boshlandi. Namoyishchilar poytaxt markaziga yo‘nalib, Uaytholl hukumat binosi tomon harakat qilishdi. Ular Vestminster ko‘prigidan o‘tib, asosiy yig‘ilish joyi bo‘lgan bosh vazir Kir Starmerning qarorgohi oldidagi ko‘chada to‘plandi. Tashkilotchilarning ma’lumotlariga ko‘ra, ushbu yirik harakatni English Defence League harakati asoschisi Tommi Robinson uyushtirgan. London ko‘chalarida yig‘ilgan odamlar turli plakatlar, shiorlar va da’vatlar bilan chiqish qildi. Kuzatuvchilar ta’kidlashicha, bu namoyish Buyuk Britaniyaning siyosiy jarayonlariga jiddiy ta’sir ko‘rsatishi mumkin. Shuningdek, namoyish nafaqat ishtirokchilar soni bilan, balki uyushganligi va siyosiy rang-barangligi bilan ham tarixiy voqea sifatida e’tirof etildi. Bu harakat mamlakatdagi siyosiy muhitda yangi davr boshlanishiga sabab bo‘lishi kutilmoqda. London aholisi tomonidan keng qo‘llab-quvvatlangan ushbu namoyish siyosiy faollik va birlashishning yorqin namunasi bo‘ldi.

Prezidentning qaroriga muvofiq, Toshkent shahrida ToshTech texnika universiteti tashkil etiladi. Bu haqida Zamin.uz xabar berdi. Ushbu yangi oliygoh mamlakatimizda zamonaviy muhandislik bilimlarini rivojlantirish va raqobatbardosh mutaxassislar tayyorlashda muhim ahamiyatga ega bo‘ladi. Qarorga ko‘ra, universitet akademik, moliyaviy hamda tashkiliy boshqaruv masalalarida to‘liq mustaqillikka ega bo‘ladi. Bu ta’lim jarayonini xalqaro standartlarga muvofiq tashkil etishga imkon beradi. 2025-2026 o‘quv yilidan boshlab davlat byudjeti hisobidan bir yillik tayyorlov kursi ochiladi. Ushbu kurs abituriyentlarga murakkab fanlarga tayyorlanishda yordam beradi. Keyingi yildan, ya’ni 2026-2027 o‘quv yilidan universitetda bakalavriat yo‘nalishlari faoliyat boshlaydi. Talabalar zamonaviy fanlar bo‘yicha ta’lim olish imkoniga ega bo‘ladilar. Shuningdek, 2027-2028 o‘quv yilidan magistratura va oliy ta’limdan keyingi bosqichlar ham bosqichma-bosqich joriy etiladi. Universitetda o‘qish davlat granti va to‘lov-kontrakt asosida tashkil etiladi. Darslar nafaqat o‘zbek tilida, balki xorijiy tillarda ham olib boriladi. Bu orqali talabalar xalqaro tajribaga ega bo‘lib, bilimlarini yanada kengaytirish imkoniyatiga ega bo‘ladilar. Eng muhim jihati shundaki, 2029-2030 o‘quv yiliga qadar qabul qilinadigan barcha talabalar davlat granti asosida to‘liq bepul ta’lim oladilar. Mazkur tashabbus orqali ToshTech texnika universiteti mamlakatimizdagi muhandislik va ilmiy-tadqiqot salohiyatini oshirishda, shuningdek, yoshlar uchun yangi imkoniyatlar yaratishda muhim rol o‘ynaydi (manba: zamin.uz).