O'zbekistonda 2026-yildan boshlab 30 yilga ega avtomobillar utilizatsiya qilinadi
O'zbekistonda 2026-yildan boshlab ishlab chiqarilganiga 30-yil va undan ortiq vaqt bo'lgan avtomobillarni bosqichma-bosqich utilizatsiya qilish tizimi joriy etiladi. Bu haqda Zamin.uz xabar berdi.
Chiqindilarni boshqarish agentligi tomonidan belgilangan yangi tartibga ko'ra, eski transport vositalari davlat tomonidan bozor qiymatida sotib olinadi. Avtomobil egalari ikki xil tanlovga ega bo'ladilar.
Birinchidan, ular pul kompensatsiyasini olishlari mumkin. Ikkinchidan, mahalliy ishlab chiqarilgan yangi avtomobilni imtiyozli shartlarda xarid qilish uchun elektron vaucherdan foydalanishlari mumkin.
Elektron vaucher orqali yangi avtomobilni bo'lib-bo'lib to'lash imkoniyati ham taqdim etiladi. Bu tartib eski transport vositasini topshirgan fuqarolarning yangi avtomobil sotib olishini yengillashtirishga qaratilgan.
Shuningdek, bunday yondashuv avtomobil bozorida yangiliklarni keltirib berishga ham xizmat qiladi. Foydalanish muddati tugagan avtomobilni utilizatsiyaga topshirishdan bosh tortgan fuqarolar har yili 30 BHM miqdorida ekologik kompensatsiya to'lashi kerak bo'ladi.
Bu summa transport vositasining yoshi va texnik holatiga qarab belgilanadi. Yangi choralar atmosferaga chiqarilayotgan zararli moddalar miqdorini kamaytirish, yo'l harakati xavfsizligini oshirish va chiqindilarni qayta ishlash tizimini rivojlantirish maqsadida amalga oshiriladi.
Davlat bu ishlarda fuqarolarning faol ishtirokini ta'minlashga alohida e'tibor qaratmoqda.
