Bugun
Bugungi reyslar jadvali — 20 noyabr
+15°
qisman bulutli shamol 4 m/s, janubi-sharq
ENRU

Ni Jun: Bu yil 20 minggacha elektromobillar natriyli akkumulyatorlar bilan jihozlanadi

Avto
21
Ni Jun: Bu yil 20 minggacha elektromobillar natriyli akkumulyatorlar bilan jihozlanadi
Elektr transport vositalari sohasida inqilobiy o‘zgarishlar davom etmoqda. Bu haqda Zamin.uz xabar berdi.

Dunyoning eng yirik akkumulyator ishlab chiqaruvchisi hisoblangan CATL kompaniyasi litiyli batareyalarga munosib muqobil sifatida natriyli texnologiyasini joriy etishni tezlashtirmoqda. Bu yangilik nafaqat ishlab chiqarish xarajatlarini kamaytirishi, balki elektromobillarning qishki mavsumdagi samaradorligini tubdan oshirishi kutilmoqda.

Dalyan shahrida bo‘lib o‘tgan Butunjahon iqtisodiy forumida CATL bosh ishlab chiqarish direktori Ni Jun kompaniyaning yaqin rejalari bilan o‘rtoqlashdi. Uning so‘zlariga ko‘ra, joriy yilning o‘zidayoq 10 mingdan 20 mingtagacha bo‘lgan elektromobillar yangi turdagi natriyli akkumulyatorlar bilan jihozlanadi.

Bu global avtomobil bozori uchun litiy narxining beqarorligidan xalos bo‘lish yo‘lidagi muhim qamdir. Yangi texnologiyaning eng asosiy afzalligi uning past haroratlarga chidamliligidir.

CATL vakillarining ta’kidlashicha, ushbu akkumulyatorlar yigirma daraja dan o‘ttiz darajasacha bo‘lgan qattiq sovuqlarda ham o‘z quvvatini yo‘qotmasdan normal rejimda ishlash qobiliyatiga ega. Bu xususiyat elektromobillarning Shimoliy Amerika, Kanada va Yaponiya kabi sovuq iqlimli hududlarda ommalashishiga xizmat qiladi.

Fevral oyida Ichki Mog‘ulistonning Yakeshi poligonida o‘tkazilgan real sinovlar yangi texnologiyaning imkoniyatlarini amalda isbotladi. Changan brendi ostidagi avtomobillar CATL natriyli batareyalari yordamida muzlagan yo‘llar va tik qiyaliklarni qiyinchiliksiz bosib o‘tdi.

Oxford Sustainable Finance Group ekspertlari ushbu sinovlarni soha uchun burilish nuqtasi deb baholamoqda. CATL so‘nggi o‘n yil ichida ushbu loyihaga qariyb 10 milliard yuan miqdorida investitsiya kiritdi.

Kompaniya texnik direktori Gao Xuanning ma’lum qilishicha, tadqiqotlar natijasida energiya zichligini 50 foizga oshirishga erishilgan. Bu esa natriyli batareyalarning an’anaviy litiyli analoglari bilan raqobatlasha olishini ta’minlaydi.

Shuningdek, kompaniya Tener Sodium deb nomlangan yangi energiya saqlash tizimini ham taqdim etdi. Rejaga ko‘ra, ushbu tizimning Xitoy bo‘ylab yetkazib berilishi joriy yilning sentyabr oyidan boshlanadi.

Global miqyosdagi yetkazib berish jarayonlari esa 2027 yilning iyun oyiga mo‘ljallangan. Hozirda Changan Automobile kabi yirik ishlab chiqaruvchilar ushbu akkumulyatorlarni o‘z modellariga o‘rnatishni boshlab yuborgan.

Nodirbek RazzokovBosh muharrir, muxbir

O‘xshash yangiliklar

Tramp bojlari Audi Jorjiya shtatida 4 milliardlik zavod qurishga majbur qildi
Tramp bojlari Audi Jorjiya shtatida 4 milliardlik zavod qurishga majbur qildi
AQSH prezidenti Donald Tramp ma'muriyati joriy etgan qat'iy bojxona siyosati global avtosanoat gigantlarini strategik qarorlar qabul qilishga majbur qilmoqda.
Avto23:53, 25-10-2026
Avtoservisda mijozlarni yo‘qotmaslik uchun nimalarni o‘zgartirish kerak
Avtoservisda mijozlarni yo‘qotmaslik uchun nimalarni o‘zgartirish kerak
Avtoservisda kun bo‘yi mashina kelib-ketadi: kimdir «qarzni keyin beraman» deydi, kimningdir moy almashtirish vaqti yaqinlashgan, kimdir esa jimgina boshqa servisga o‘tib ketgan. Bularning hammasi
Avto11:42, 23-10-2026
Mashina yo‘lni to‘sib qo‘ysa, egasini qanday topish mumkin — telefon raqamisiz
Mashina yo‘lni to‘sib qo‘ysa, egasini qanday topish mumkin — telefon raqamisiz
Ertalab ishga shoshyapsiz, hovlidan chiqish yo‘lini esa notanish mashina to‘sib turibdi. Oynada telefon raqami yo‘q, signal chalib butun hovlini uyg‘otish ham yechim emas. O‘zbekistonda ishga
Avto11:00, 23-10-2026