Trevis ikki hafta ichida ikki bor katta yutdi
Amerikada yashovchi Trevis ismli erkak qisqa muddat ichida ikki marta bir xil lotereya o‘yinidan katta yutuq qo‘lga kiritdi. Bu haqida Zamin.uz xabar berdi.
Uning fikricha, bu omad unga yaxshi ish qilgani uchun yuz berdi. Arkanzas shtatida istiqomat qiluvchi Trevis S.
"Frenzy" nomli lotereya o‘yinida ikki hafta farq bilan ikki marta 50 ming dollardan yutib oldi. Bu haqda Pravilamag nashri ma’lumot berdi.
Trevis har bir chipta uchun 20 dollar to‘lagan. Birinchi yutuqni u iyul oyining boshlarida qo‘lga kiritgan.
Dastlab ikkinchi yutuqqa ishonmagan bo‘lsa-da, ikki hafta o‘tib yana omadini sinab ko‘rishga qaror qilgan. U o‘sha chiptadan yana yutish haqida o‘ylamaganini aytadi.
Trevisning aytishicha, bu katta yutuq unga yaxshi amali evaziga nasib qilgan. Xususan, u ikkinchi chipta sotib olishdan oldin begona bir kishiga yordam sifatida yuz dollar bergan.
Uning so‘zlariga ko‘ra, yaxshi ish qilish omadini ochishga yordam bergan. Trevis yutgan pulni zarur ehtiyojlar uchun sarflashni rejalashtirmoqda.
Jumladan, yangi avtomobil sotib olish va o‘gay qiziga voleybol uchun sport krossovkalarini xarid qilish niyatida.
