Kamchatkada 8,8 magnitudali zilzila yuz berdi

28-iyul kuni Rossiyaning Kamchatka yarimorolida 8,8 magnitudali kuchli zilzila yuz berdi. Bu haqida Zamin.uz xabar berdi.

Bu so‘nggi yillarning eng katta zilzilalaridan biri bo‘lib, Tinch okeani bo‘ylab millionlab odamlar evakuatsiya qilindi. Biroq, oldindan taxmin qilingan katta talafotli tsunami yuz bermadi.

Kamchatka yarimoroli Tinch okeani yong‘in halqasida joylashgan bo‘lib, bu hudud yer silkinishlari va vulqonlar faoliyati bilan mashhur. Bu hududda plitalarning to‘qnashuvi natijasida katta kuch to‘planadi va kuchli zilzila yuzaga keladi.

1952-yilda ham shu yerda shunday kuchli zilzila ro‘y bergan edi. Zilzila kuchli bo‘lishiga qaramay, tsunami to‘lqinlari Kamchatka sohillarida taxminan to‘rt metr balandlikda bo‘ldi.

Bu 2004-yilgi Hind okeani yoki 2011-yildagi Yaponiya tsunamilariga nisbatan ancha past ko‘rsatkichdir. Mutaxassislar bunga bir necha sabablar borligini ta’kidlaydi.

Avvalo, zilzila chuqurligi taxminan 21 kilometr bo‘lib, suv ko‘tarilishiga to‘sqinlik qildi. Shuningdek, dengiz tubining va qirg‘oqning shakli to‘lqin balandligini pasaytirdi.

Plyaj relyefi va aholining kamligi esa talofatni kamayishiga sabab bo‘ldi. Zamonaviy ogohlantirish tizimlari esa odamlarning vaqtida evakuatsiya qilinishini ta’minladi.

Misol uchun, Yaponiyada 2004-yilgi fojiadan farqli ravishda, 1,9 milliondan ortiq odam tezkor evakuatsiya qilindi. Bu ilg‘or ogohlantirish markazlari yordamida amalga oshirildi.

2004-yilda esa bunday tizimlar mavjud emas edi va natijada 230 mingdan ziyod odam halok bo‘lgan edi. Shu bois, zamonaviy texnologiyalar va samarali boshqaruv tizimlari tabiiy ofatlarning zararini kamaytirishda muhim rol o‘ynaydi.