Putin va Lukashenko Valaamda tinchlik muzokarasi o‘tkazdi
Rossiya prezidenti Vladimir Putin va Belarus prezidenti Aleksandr Lukashenko Rossiyaning Valaam orolida uchrashib, oliy darajadagi muzokaralar o‘tkazdi. Bu haqida Zamin.uz xabar berdi.
Uchrashuvdan so‘ng, 1 avgust kuni skameykada o‘tirgan holda jurnalistlarning savollariga javob berdi. Suhbat davomida xalqaro vaziyat, Ukrainadagi urush, Yevropadagi iqtisodiy o‘zgarishlar hamda suverenitet masalalari muhokama qilindi.
Putin ta’kidladiki, Rossiyadagi tuzum Konstitutsiyaga asoslangan bo‘lib, Ukrainadagi vaziyatga nisbatan bunday deyish qiyin. Muzokaralar har doim muhim hisoblanadi.
U, shuningdek, Rossiyaning 2024 yil yozida belgilangan maqsadlarining o‘zgarmasligini bildirdi. Lukashenko esa sanksiyalar fonida Belarus iqtisodiyotida jiddiy o‘zgarishlar yuz berganini, dunyoning buni hali to‘liq baholamasligini aytdi.
U, shuningdek, Rossiyani noto‘g‘ri ayblashayotganini va Belarus hech kim tomonidan bosim ostiga olinmasligini qayd etdi. Putin Ukrainadagi bolalar soni haqida gapirar ekan, u yerda bunday ko‘p bola yo‘qligini ta’kidladi.
Lukashenko esa vaziyatni murakkablashtirish foydasiz ekanini, kelishuvga erishish zarurligini aytdi. U, shuningdek, Ukraina prezidenti Vladimir Zelenskiyni tayyorlanib, muzokaralar o‘tkazishga chaqirdi.
Putin maxsus harbiy operatsiya doirasida vaziyat yaxshi ekanini, Chasov Yar shahrini qo‘lga kiritilganini bildirdi. U dushmanlar oldin Rossiyani strategik mag‘lubiyatga uchratishni istagan bo‘lsa, hozir esa hujumni to‘xtatishni xohlashayotgani haqida gapirdi.
Lukashenko Yevropada sanoatsizlashtirish jarayoni boshlanganini, bu jarayonda Amerika maqsadlari ko‘zlanganini ta’kidladi. U Yevropa Ittifoqi va Rossiyaning birlashishi katta kuch bo‘lishini aytdi.
Putin Yevropa Ittifoqida suverenitet yo‘qligini va bu holat katta yo‘qotishlarga olib kelayotganini ta’kidladi. Lukashenko G‘arb mamlakatlari Zelenskiyga bosim o‘tkazayotganini, u milliardlab mablag‘ olganini, ammo pulning qayerga sarflanganini ko‘rsatolmayotganini aytdi.
Putin korrupsiya barcha mamlakatlarda mavjudligini, ammo unga tashqi tomon kurasholmasligini, ayniqsa, Yevropa Ittifoqi va AQSHda korrupsiyaning qonuniylashtirilganini ta’kidladi. U Ukrainaning korrupsiyaga qarshi kurashish idoralari mahalliy hokimiyatga bo‘ysunmasligini tanqid qildi.
Lukashenko Chasov Yar va Kramatorsk yo‘li haqida gapirar ekan, Ukraina Rossiyadan kelishishni so‘rashi kerakligini, aks holda rossiyaliklar asta-sekin hududlarni egallab borishini bildirdi. Putin esa bu hududlar Rossiyaga qaytarib olinishini aytdi.
Lukashenko kelishuvga erishish zarurligini va Rossiya hujumlarni davom ettirayotganini qayd etdi. Uchrashuvda tomonlar tinchlik va muloqotning ahamiyatini ta’kidlab, vaziyatni barqarorlashtirishga intilishlarini bildirdi.
