Mayorkada Kalo-de-Moro plyajida axlat muammosi yuzaga keldi
Mayorkaning Kalo-de-Moro plyaji ilgari faqat mahalliy aholi tomonidan ma’lum bo‘lgan, tinch va tabiiy go‘zallikka ega joy edi. Bu haqida Zamin.uz xabar berdi.
So‘nggi bir yil ichida esa bu sohil ijtimoiy tarmoqlarda keng tarqalib, katta turist oqimi sababli jiddiy muammolarga duch keldi. Kunlik mehmonlar soni 4000 nafardan oshib, sohilga 1000 dan ortiq avtomobil kelmoqda.
Bu esa tabiiy muhitning buzilishiga olib keldi. Sohilda chiroyli qum tagidan ko‘p miqdorda axlat chiqmoqda.
Har kuni taxminan 70 kilogramm qum sayyohlar tomonidan olib ketilmoqda, bu esa atrof-muhitga zarar yetkazmoqda. Mahalliy aholi yo‘llarni to‘sib, "Plyaj bizniki" degan plakatlar bilan norozilik bildirmoqda.
Turistlarga varaqalar tarqatilib, sohilga tushmaslik tavsiya qilinmoqda. TikTok kabi ijtimoiy tarmoqlarda 1300 dan ortiq video joylashtirilgan bo‘lib, millionlab ko‘rishlarga ega videolar sohilning "internet qurboni" bo‘lishiga sabab bo‘ldi.
Natijada, rasmiy turizm saytlaridan Kalo-de-Moro plyajining suratlari olib tashlandi va inflyuenserlarga kamroq mashhur, boshqa joylar haqida yozish tavsiya qilindi. Bu holat tabiatni asrash va sayyohlikni barqaror rivojlantirish zaruratini yana bir bor ko‘rsatmoqda.
Manba: Peopletalk
