Kayiokada avtobusda qizaloq chamadondan topildi

Yangi Zelandiyaning shimolidagi Kayioka shahrida avtobusda sayohat qilayotgan ayol chamadon ichidan ikki yoshli qizaloq topilgani sababli hibsga olindi. Bu haqida Zamin.uz xabar berdi.

Politsiya ma’lumotlariga ko‘ra, ushbu voqea yakshanba kuni avtobus bekatida sodir bo‘lgan. Avtobus yo‘lovchilaridan biri yukxona bo‘limiga kirish uchun ruxsat so‘raganida, haydovchi chamadonlardan birining harakatlanayotganini sezgan.

U chamadonni ochganida ichidan ikki yoshli qiz topilgan. Politsiya bayonotida aytilishicha, qizchaning tana harorati yuqori bo‘lgan, ammo jismonan zarar ko‘rmagan.

27 yoshli ayol hibsga olinib, voyaga yetmagan bolaga nisbatan beparvolik yoki qiynash ayblovi bilan sudga tortilmoqda. Qizaloq tibbiy ko‘rikdan o‘tish uchun kasalxonaga yuborilgan.

Hozircha ayol bilan bola o‘rtasidagi qarindoshlik darajasi oshkor qilinmagan. Yangi Zelandiya politsiyasi bu holatda ogohlik ko‘rsatgan avtobus haydovchisini alohida e’tirof etib, uning tezkor harakati og‘ir oqibatlarning oldini olganini ta’kidladi.

Ushbu voqea ota-ona mas’uliyati va jamiyatning befarqligi masalalarini yana bir bor ko‘rsatib berdi.