Kosmosda ilk bor pivo ishlab chiqariladi
AQSHning Starbase Brewing pivovar kompaniyasi va Jaguar Space aerokosmik tashkiloti birgalikda noyob ilmiy tajriba o‘tkazishga tayyorlanmoqda. Bu haqida Zamin.uz xabar berdi.
Unga ko‘ra, ilk bor pivo kosmosda ishlab chiqariladi. Loyiha tashkilotchilari bu haqda ijtimoiy tarmoqlarda ma’lumot berishdi.
MicroBrew-1 deb nomlangan loyiha doirasida Xalqaro kosmik stansiyaga maxsus konteyner yuboriladi. Unda pivo tayyorlashda asosiy rol o‘ynaydigan solod ekstrakti va xamirturush saqlanadi.
Kosmonavtlar stansiyada fermentatsiya jarayonini o‘zlari boshlaydi. Jaguar Space rahbari, mikrobiolog Luis Zeaning aytishicha, bu loyiha ikki yillik ilmiy izlanish va tayyorgarlik natijasidir.
Tayyorlangan pivo kosmosda ma’lum muddat saqlanib, keyinchalik Yerga qaytariladi. Shu orqali olimlar mikrogravitatsiya va kosmik radiatsiyaning droj faoliyatiga va mahsulot sifatiga ta’sirini o‘rganadi.
Ushbu ma’lumotlar kelajakda Mars yoki boshqa sayyoralarda qishloq xo‘jaligini rivojlantirish va oziq-ovqat mahsulotlarini joyida ishlab chiqarishda muhim ahamiyatga ega bo‘ladi. Shuningdek, Jaguar Space yana bir tajriba ustida ham ishlamoqda.
Bu tajriba ham mikrogravitatsiya va kosmik radiatsiya sharoitida fermentatsiya jarayonini chuqur tahlil qilishga qaratilgan. Ushbu ilmiy ishlanmalar kosmosda yashash va ishlab chiqarish texnologiyalarini rivojlantirishga katta hissa qo‘shadi.
