Labubu o‘yinchog‘i eBayda rekord narxda sotildi
Yaqinda dunyodagi eng qimmat Labubu o‘yinchog‘i Amerika eBay savdo platformasida rekord narxda sotildi. Bu haqida Zamin.uz xabar berdi.
Ushbu o‘yinchoq uchun 10,5 ming dollar, ya’ni taxminan 134 million so‘m to‘langan. Bu noyob o‘yinchoq Xitoyning Pop Mart kompaniyasi va mashhur skeytbord kiyimlari brendi Vans hamkorligida ishlab chiqarilgan “The Monsters” seriyasiga kiradi.
2023 yilda taqdim etilgan ushbu kolleksion seriya dastlab arzon narxda, taxminan 85 dollarga sotilgan. Biroq uning kamyobligi, o‘ziga xos ko‘rinishi va ijtimoiy tarmoqlardagi mashhurligi sababli narxi qayta sotuvda sezilarli darajada oshdi.
Labubuning eng qimmat turi serif-braun rangda bo‘lib, skeytchi uslubidagi obrazga ega. U boshida beysbolka, ustida yorqin rangli chop etilgan xudi, pastida yoshlar orasida ommalashgan yashil kargo shimlari va zamonaviy krossovkalar bilan bezatilgan.
Bu o‘ziga xos ko‘rinish unga katta e’tibor va qadrlash olib kelgan. Ushbu o‘yinchoq kolleksionerlar orasida yuqori talabga ega bo‘lib, yig‘uvchilar uchun qimmatbaho mahsulot hisoblanadi.
Manba: Peopletalk.
