Peruda sobiq prezident Viskarra hibsga olindi
Peru sud organlari mamlakatning sobiq prezidenti Martin Viskarrani pora olish ayblovi bilan besh oyga qamoqqa olishga qaror qildi. Bu haqida Zamin.uz xabar berdi.
Bu haqda Al Jazeera axborot agentligi xabar berdi. Sudya Xorxe Chaves 13 avgust kuni o‘tgan sud majlisida Viskarraning qochib ketish ehtimoli yuqori ekanini ta’kidlab, hibsga olish hukmini chiqardi.
Ma’lumotlarga ko‘ra, Viskarra 11 yil avval Mokuegua viloyati gubernatori bo‘lgan paytda pora olishda gumon qilinmoqda. Sobiq prezident ayblovlarni rad etib, bu ishni siyosiy ta’qib deb baholamoqda.
U 2026 yildagi prezidentlik saylovlarida ishtirok etishni rejalashtirmoqda. Avvaliga iyun oyida sud Viskarrani hibsga olish so‘rovini rad etgan, ammo prokuratura apellyatsiya bergach, qochib ketish xavfi asos qilib ko‘rsatildi.
Peru korrupsiya va siyosiy inqirozlar tufayli bezovta bo‘lib turgan bir paytda, Viskarra oxirgi yillarda qamoqqa olingan beshinchi sobiq prezidentga aylandi.
