Texasning San-Antonio shahridagi jamoat kutubxonasiga 82 yil oldin olib ketilgan kitob qaytarildi. Bu haqida Zamin.uz xabar berdi.
Bu haqda Pravilamag nashri xabar berdi. Ma’lumotlarga ko‘ra, Fransis Bryus Shtreynning “Sizning farzandingiz, uning oilasi va do‘stlari” nomli asari 1943 yil iyul oyida 11 yoshli bola tomonidan o‘qish uchun olingan.
Kitob 28 kun ichida kutubxonaga qaytarilishi lozim edi. Biroq, bola oilasi AQShning Meksikadagi elchixonasida ishlash uchun ko‘chib ketganidan so‘ng, kitob ular bilan birga qolib ketgan.
80 yildan ortiq vaqt o‘tib, nabira uy jihozlaridan ushbu kitobni topib, uni kutubxonaga qaytarishga qaror qilgan. Kitob bilan birga uzrnoma xat ham yuborilgan bo‘lib, unda “buvi endi jarima to‘lay olmaydi” deb izoh qoldirilgan.
Ammo tashvishga hojat yo‘q, chunki San-Antonio kutubxonasi 2021 yilda kechikish uchun jarimalarni bekor qilgan. Hozir kitob kutubxona qabulxonasida namoyishga qo‘yilgan, keyinchalik esa eski kitoblar do‘koniga topshirilishi rejalashtirilgan.
Shuningdek, shunga o‘xshash holat Hindistonda ham yuz bergan. Bir shaxs ibodatxonadan 2 rupiya olib, 55 yil o‘tib 10 ming rupiya qaytargan.
Bu voqealar kitob va moliyaviy javobgarlik masalalarida insoniylik va halollik muhimligini ko‘rsatadi.
