Bernar Arno Italiyada tarixiy saroy sotib oldi
Dunyodagi eng boy shaxslardan biri, LVMH konserni rahbari Bernar Arno Italiyada joylashgan tarixiy Atellani saroyini shaxsiy qarorgoh sifatida foydalanishni rejalashtirmoqda. Bu haqida Zamin.uz xabar berdi.
Peopletalk nashrining xabariga ko‘ra, Arno ushbu qadimiy saroyni xarid qilib, uni to‘liq restavratsiya qilmoqda. Hozirda “Leonardo uzumzori” nomi bilan mashhur bo‘lgan bu qasr 1,3 million yevro qiymatida ta’mirlanmoqda.
Manbalarga ko‘ra, Arno saroyni nafaqat shaxsiy uy, balki ehtimoliy soliq rezidensiyasi sifatida ham ishlatishi mumkin. Milan shahrining markazida joylashgan ushbu saroy Uyg‘onish davri me’morchiligining noyob namunalaridan biridir.
XV asrda Ludoviko il Moro tomonidan Jakomo da Attellanoga sovg‘a qilingan ushbu bino 1498 yilda Leonardo da Vinchi tomonidan taqdim etilgan uzumzori bilan mashhur bo‘ldi. Ikkinchi jahon urushi vaqtida vayron bo‘lgan “Leonardo uzumzori” 2015 yilda tarixiy Malvaziya navlari asosida qayta tiklandi.
Bu tarixiy obida hozirgi kunda madaniy meros sifatida katta ahamiyatga ega. Bernar Arnoning ushbu tarixiy joyga qiziqishi uning shaxsiy hamda biznes maqsadlari bilan bog‘liq bo‘lishi mumkin.
