Los-Palasiosda mayonez uchun yong‘in qo‘yildi

Ispaniyaning Los-Palasios-i-Villafranka shahrida bir erkak mijoz mayonez olib kelinmagani sababli restoran xodimlariga norozi bo‘lib, muassasa binosiga o‘t qo‘ygan. Bu haqida Zamin.uz xabar berdi.

Bu haqda Pravilamag nashri xabar berdi. Voqea o‘tgan chorshanba kuni sodir bo‘lgan.

Yoshi taxminan 50 da bo‘lgan erkak o‘g‘li bilan mahalliy ovqatlanish muassasasiga kirib, ikki dona sendvich buyurtma qilgan. Kuzatuv kameralarida ko‘rsatilishicha, u ofitsantdan qo‘shimcha mayonez so‘ragan, ammo oshxonada sous zaxirasi tugagani uchun xodim uning iltimosini bajara olmagan.

Shundan so‘ng mijoz boshqa ofitsiantdan ham mayonez so‘ragan, lekin javob salbiy bo‘lgan. Bir muddatdan keyin erkak o‘rnidan turib, joyni tark etgan va orqasidan benzin solingan kanistr bilan qaytib kelgan.

U yana sous haqida so‘ragan, ammo rad javob olgach, yoqilg‘ini bar stoykasiga to‘kib, yong‘in qo‘zg‘atgan. Hodisa paytida kafe odamlar bilan to‘la bo‘lgan, biroq mijozlar olovni ko‘rib, tezda tashqariga chiqishgan.

Xodimlar o‘t o‘chirgich vositalari yordamida yong‘inni nazoratga olishga muvaffaq bo‘lgan. Natijada hech kim jarohat olmagan, moddiy zarar esa taxminan 9500 dollarni tashkil etgan.

Voqeadan so‘ng erkak joydan qochishga harakat qilgan, ammo politsiya uni qisqa vaqt ichida qo‘lga olgan. Ma’lum bo‘lishicha, u yong‘in paytida chap qo‘lini jiddiy shikastlagan.

Hodisa yuzasidan tergov ishlari davom etmoqda.