Si Szinpin Oyda ilmiy baza qurishni taklif qildi
Xitoy Xalq Respublikasi rahbari Si Szinpin Shanxay hamkorlik tashkiloti davlat rahbarlari kengashining 25-yig‘ilishida Oyda qo‘shma ilmiy baza barpo etish taklifini ilgari surdi. Bu haqida Zamin.uz xabar berdi.
Bu haqda Rossiyaning RBK nashri xabar berdi. Si Szinpin Pekin SHHTga a’zo davlatlarni Rossiya bilan birgalikda amalga oshirilayotgan loyihada faol ishtirok etishga chaqirmoqda.
Ushbu tashabbus mintaqaviy va global kosmik hamkorlikni rivojlantirishga qaratilgan. Hozirda Xalqaro ilmiy oy stansiyasi qurilishi rejalashtirilmoqda.
Bu loyiha Rossiyaning Roskosmos agentligi va Xitoy milliy kosmik boshqarmasi hamkorligida amalga oshiriladi. Stansiyaning qurilishi 2031 yildan 2035 yilgacha davom etishi ko‘zda tutilgan.
Xitoyning uzoq kosmosni o‘rganish dasturi rahbari Vu Yanxua ma’lum qilishicha, baza 2035 yilga kelib Oyning janubiy qutbidan 100 kilometr radiusda ilmiy tadqiqotlar olib borish imkonini yaratadi. Bu esa Oydagi geologik va kosmik jarayonlarni chuqur o‘rganishga yangi imkoniyatlar beradi.
Oyda xalqaro ilmiy stansiya qurish g‘oyasi dastlab 2021 yilda taklif qilingan. Loyiha doirasida janubiy qutbdagi inshoot keng qamrovli tadqiqotlar uchun tayyorlanmoqda.
Bu qadam xalqaro kosmik hamjamiyat uchun muhim ilmiy yutuq sifatida baholanmoqda. Ushbu loyiha orqali kosmik tadqiqotlar sohasida yangi hamkorlik va yutuqlar kutilmoqda.
