Suriyada Bashar Assad superkarlar auksioni boshlandi
Suriyada sobiq prezident Bashar al-Assadga tegishli noyob superkarlar kolleksiyasi Damashq shahrida o‘tkazilgan katta kim oshdi savdosida namoyish etildi. Bu haqida Zamin.uz xabar berdi.
Ushbu auksion yangi davlat rahbari Ahmad Ash-Shara tomonidan rasman ochildi. Tadbirdan olingan mablag‘lar Suriya taraqqiyot jamg‘armasiga yo‘naltirilishi va mamlakat iqtisodining rivojlanishiga xizmat qilishi rejalashtirilgan.
Mutaxassislarning fikriga ko‘ra, bu tashabbus nafaqat avtomobil kolleksionerlari uchun qiziqarli, balki mamlakat taraqqiyotiga ham katta hissa qo‘shadi. Kim oshdi savdoning birinchi bosqichida dunyoga mashhur brendlarga mansub uchta superkar taqdim etildi.
Ulardan eng qimmatbaxosi Ferrari F50 bo‘lib, uning qiymati taxminan 3-4 million dollar atrofida baholangan. Ushbu avtomobil Formula-1 texnologiyalari asosida ishlab chiqilgan va dunyoda atigi 349 dona mavjudligi bilan ajralib turadi.
Shuningdek, auksionda Mercedes SL65 AMG Black Series ham sotuvga chiqarildi. Dunyoda faqat 300 dona ishlab chiqarilgan ushbu avtomobil 670 ot kuchiga ega yuqori samarali dvigatel bilan jihozlangan bo‘lib, bozordagi qiymati taxminan 500 ming dollarni tashkil etadi.
Kolleksiyaning yana bir e’tiborga molik namunasi Audi R8 bo‘lib, u 525 ot kuchiga ega 5,2 litrli V10 dvigatel bilan ta’minlangan va avtomobil ishqibozlari tomonidan katta qiziqish bilan qabul qilindi. Ushbu kim oshdi Suriyadagi eng yirik va ta’sirli avtomobil savdolaridan biri sifatida tarixiy ahamiyatga ega bo‘ldi.
Ekspertlar ta’kidicha, bu auksion nafaqat avtomobil kolleksionerlari uchun muhim, balki mamlakat iqtisodiy va madaniy rivojiga ham ijobiy ta’sir ko‘rsatadi. Shunday qilib, tadbir mamlakatning yangi davrida iqtisodiy barqarorlik va madaniy taraqqiyot uchun muhim qadam bo‘ldi.
