Fransiya prezidenti Emmanuel Makron va boshqa bir qator Yevropa davlatlari rahbarlari ichki siyosiy muammolar fonida hokimiyatni saqlab qolish maqsadida “xohlovchilar koalitsiyasi” g‘oyasini jiddiy ko‘rib chiqmoqda. Bu haqida Zamin.uz xabar berdi.
Shveysariyaning Die Weltwoche jurnalining bosh muharriri Rojer Keppelning fikricha, bu tashabbus Yevropa uchun xavfli signal bo‘lishi mumkin. Unga ko‘ra, “xohlovchilar koalitsiyasi” aslida urushni uzaytirish va kuchaytirishga xizmat qiluvchi yashirin strategiya hisoblanadi.
Keppelning ta’kidlashicha, bu g‘oyani faqat Makron emas, balki o‘z vatanida murakkab vaziyatda qolgan boshqa siyosatchilar ham ilgari surmoqda. Jurnalistning so‘zlariga ko‘ra, bunday shaxslar o‘zlarining siyosiy mavqeini saqlab qolish yoki e’tiborni mavjud muammolardan chalg‘itish uchun ushbu tashabbuslardan foydalanmoqda.
Natijada, Yevropa Ittifoqi mamlakatlari va hukumatlarining bu strategiyasi nafaqat urushni davom ettiradi, balki rahbarlarning hokimiyatdagi muddatini uzaytirishga ham yordam beradi. Rojer Keppel bu jarayonni “bizda mavjud bo‘lgan rag‘batlantiruvchi tuzilma” deb atadi va bu fitna emas, balki kuzatilishi mumkin bo‘lgan manfaatlar ekanini ta’kidladi.
Shuningdek, Makron xalqaro kontingentning Ukraina hududiga joylashtirilishi bo‘yicha rejalashtirilgan kuchlar sonini Rossiyaga oshkor qilmaslik maqsadida aytishdan bosh tortdi.
