Gen Z moliyaviy stress tufayli uyqusiz qolmoqda

Gen Z avlodi moliyaviy xavotirlar sababli uyqusiz tunlarni boshdan kechirmoqda. Bu haqda Zamin.uz xabar berdi.

Amerisleep kompaniyasining so‘roviga ko‘ra, bu avlodning 70 foizi pul bilan bog‘liq stress tufayli yaxshi uxlolmaydi. Ularning tashvishi faqat narxlarning oshishi bilan cheklanmaydi, balki inflyatsiya, ishsizlik kabi murakkab muammolar ham ularni bezovta qilmoqda.

Shunga qaramay, ko‘pchilik moliyaviy zaxira yaratish yoki budjetni boshqarish haqida o‘ylamaydi. Aksariyat yoshlar vaqtini seriyalar ko‘rish yoki ijtimoiy tarmoqlarda o‘tkazishga sarflaydi.

So‘rov qatnashchilarining yarmidan ko‘prog‘i «hech narsani o‘zgartira olmayman, faqat o‘ylayman» degan fikrni bildirgan. Shu bilan birga, tun bo‘yi telefon va boshqa qurilmalarda vaqt o‘tkazish stressni kamaytirmaydi, aksincha, ko‘payishiga sabab bo‘ladi.

Har uchinchi yosh faollik o‘rniga ekranga qarab tinchlanishga harakat qiladi. Mutasaddilar bunday holatni xavfsiz deb hisoblamasdan, u uyquni buzadigan va ruhiy holatni yomonlashtiradigan qochish usuli sifatida baholamoqda.

Mutaxassislar «tashvish oynasi» deb ataluvchi usulni tavsiya qiladi. Kuniga 15-20 daqiqa davomida tashvishli fikrlarni yozib, ularga yechim topishga harakat qilish uyqu sifatini yaxshilaydi.

Shuningdek, telefon uchun «komendantlik soati» belgilash va gadjetlarni boshqa xonaga qo‘yish foydali bo‘ladi. Moliyaviy barqarorlikni oshirish uchun kichik maqsadlar qo‘yish muhimdir.

Masalan, oz miqdorda mablag‘ni zaxira qilish yoki kichik qarzni to‘lash mumkin. Tadqiqotchilar «bilim xavotirni kamaytiradi» deb ta’kidlaydi.

Ular nazoratni qo‘lga olish, hisob-kitob qilish va taxmin qilishni to‘xtatish zarurligini eslatadi. Bu oddiy qadamlar moliyaviy stressni kamaytirishga yordam beradi.