Fransiya Falastin davlatini rasmiy tan oldi
Fransiya prezidenti Parijda BMT Bosh Assambleyasi yig‘ilishi doirasida dushanba kuni Falastin davlatini rasmiy ravishda tan olishini e’lon qildi. Bu haqda Zamin.uz xabar berdi.
Unga ko‘ra, bu qaror mintaqadagi kengroq tinchlik tashabbusining muhim qismi hisoblanadi. Prezident Emmanuel Makron Falastin prezidenti Mahmud Abbos bilan uchrashib, muzokaralar o‘tkazganini ma’lum qildi.
U Falastin davlatini tan olish HAMASni izolyatsiya qilishning eng to‘g‘ri yo‘li ekanligini ta’kidladi. Shuningdek, Makron Isroilning Iordan daryosining g‘arbiy sohilidagi Falastin hududlarini egallashga urinishini “qizil chiziq” deb atadi.
Ma’lumot uchun, hozirda 148 davlat Falastin mustaqilligini tan olgan va dunyoning 95 mamlakatida Falastin elchixonasi yoki doimiy vakolatxonasi faoliyat yuritmoqda. Bu qadam mintaqada barqarorlik va tinchlikni mustahkamlashga qaratilgan muhim siyosiy harakat sifatida baholanmoqda.
