Pikassoning 80 yildan keyin sotiladigan asari Parijda
Ispaniyalik mashhur rassom va haykaltarosh Pablo Pikassoning 80 yildan beri ommaga namoyish qilinmagan asari Parijdagi kimoshdi savdosiga qo‘yiladi. Bu haqda Zamin.uz xabar berdi.
Bu haqda CNN xabar berdi. “Gulli qalpoqli ayol byusti” nomli kartina 1943 yilda Germaniya fashistlari tomonidan ishg‘ol qilingan Parijda yaratilgan.
Ushbu asar Pikassoning o‘sha davrdagi iltifoti va sevgilisi Dora Maarning portreti hisoblanadi. Dora Maarning so‘nggi topilgan portretini 1944 yilda noma’lum kolleksioner sotib olgan va o‘shandan beri uning oilasida saqlanib kelmoqda.
San’atshunos olim Anes Sevestr-Barbe bu asarni tarixiy va badiiy jihatdan katta ahamiyatga ega deb hisoblaydi. Uning so‘zlariga ko‘ra, asar 80 yildan ortiq vaqt davomida omma ko‘z o‘ngida bo‘lmagan va hech qachon ko‘rgazma yoki kimoshdi savdosida namoyish qilinmagan.
Kartina 81x60 santimetr o‘lchamda bo‘lib, yuqori chap burchakda Pikasso imzosi mavjud. Ushbu nodir asar 24 oktyabr kuni Parijdagi auksionda sotuvga qo‘yiladi.
Boshlang‘ich bahosi 8 million yevro qilib belgilangan bo‘lib, mutaxassislar narxning yanada oshishini kutmoqda. Dora Maar aslida Genriyetta Teodora Markovich bo‘lib, fransuz syurrealist rassomi va fotografidir.
U Pikasso bilan romantik munosabatda bo‘lgan va uning bir necha portretlari yaratilgan. Jumladan, “Dora Maarning portreti”, “Yig‘layotgan ayol” va “Dora Maar mushuk bilan” kabi asarlar mavjud.
Maar o‘zining so‘zlariga ko‘ra, bu portretlarning barchasi Pikassoga tegishli bo‘lsa-da, hech biri uning haqiqiy yuziga o‘xshamaydi. Ushbu auksion san’atshunoslar va kolleksionerlar uchun katta tarixiy ahamiyatga ega voqea sifatida baholanmoqda.
Bu esa Pikassoning noma’lum asarlari haqidagi qiziqishni yanada oshirishga xizmat qilmoqda.
