Turkiya Yevropada donar milliy taom maqomini qaytardi

Tagesschau nashrining xabar berishicha, Turkiyaning Udofed assotsiatsiyasi Yevropa Ittifoqi miqyosida donar-kabobni milliy taom sifatida tan olish va uning umumiy standartlarini belgilash bo‘yicha arizasini rasmiy ravishda qaytarib oldi. Bu haqda Zamin.uz xabar berdi.

Shu bilan Turkiya va Germaniya o‘rtasida uzoq yillardan beri davom etayotgan munozaraga yakun yasaldi. Ma’lumotlarga ko‘ra, agar Yevropa Ittifoqi bu arizani ma’qullaganida, barcha ovqatlanish joylari donar tayyorlashda qat’iy me’yor va qoidalarga rioya qilishi shart bo‘lardi.

Masalan, ichiga qiyma qo‘shilgan yoki sous bilan beriladigan donor turlari standartdan chiqib, boshqacha nom bilan atalishi zarur bo‘lar edi. Ekspertlar ta’kidicha, Germaniyada donar-kabob sanoati juda rivojlangan va mamlakat Yevropa Ittifoqi hududida donor savdosida yetakchi o‘rinni egallaydi.

Nemis tadbirkorlari uchun bunday cheklovlar katta iqtisodiy zarar keltirishi mumkin edi. Turkiyaning arizani qaytarib olishi natijasida donor tayyorlash va sotish tartibi har bir mamlakatning o‘z qonun va qoidalariga muvofiq davom etadi.

Ba’zilarning fikricha, bu qaror Germaniyaning g‘alabasi sifatida baholanmoqda, boshqalar esa taomning haqiqiy kelib chiqishi va milliy maqomi bo‘yicha bahslar davom etishi mumkinligini ta’kidlashmoqda.