Uttar-Pradeshda oshqozondan yuzlab buyum chiqarildi

Hindistonda noyob tibbiy holat yuz berdi. Bu haqda Zamin.uz xabar berdi.

Uttar-Pradesh shtatida joylashgan shifoxonada 40 yoshli bemorning oshqozonidan yuzlab turli buyumlar chiqarildi. The Times of India nashrining xabar berishicha, jarrohlik amaliyoti davomida bemorning oshqozonidan 29 ta metall qoshiq, 19 ta tish cho‘tka va 2 ta ruchka topilgan.

Ma’lumotlarga ko‘ra, bemor bir oy oldin narkomaniya davolash markaziga yotqizilgan. Ammo u yerda qattiq ruhiy bosim va noqulay muomala sabab, xavfli odat paydo bo‘lib, begona jismlarni yutib yuborishni boshlagan.

Bir necha kun o‘tib, kuchli qorin og‘rig‘i bilan shifoxonaga murojaat qilgan. Davlat klinikasida tekshiruv o‘tkazilganida, oshqozonda o‘nlab metall va plastmassa buyumlari aniqlangan.

Jarroh Shyam Kumar boshchiligidagi tibbiy guruh murakkab operatsiya orqali barcha buyumlarni muvaffaqiyatli olib tashladi. Bemorning do‘stlari va qarindoshlari uning holati markazdagi yomon munosabat va ruhiy bosimlar bilan bog‘liq ekanini ta’kidladilar.

Hozirda bemorning ahvoli barqarorlashgan va u shifokorlar nazorati ostida. Mutasaddilar esa bu hodisa ruhiy salomatlik va insonlarga munosabatning qanchalik muhim ekanligini yana bir bor eslatdi.

Bu kabi vaziyatlarda vaqtida yordam ko‘rsatish va g‘amxo‘rlik qilish zarurligi ta’kidlandi.