Yaponiyada yuz yoshdan oshganlar soni ortmoqda
Yaponiyada hozirda 50 mingdan ortiq fuqaro yuz yoshdan oshgan. Bu haqda Zamin.uz xabar berdi.
Mutaxassislar fikricha, kelasi o‘n yil ichida mamlakatda yuz yoshdan oshgan insonlar soni bir millionga yaqinlashishi mumkin. Dunyoda hech bir davlatda umr davomiyligi va hayot sifati Yaponiyadagi darajada yuqori emas.
Ko‘pchilik yaponlarning uzoq umr ko‘rish sirini ularning xom baliq va dengiz mahsulotlariga boy ovqatlanish tartibida ko‘radi. Biroq, shunday iqlim va ovqatlanish usuliga ega boshqa mamlakatlarda umr davomiyligi unchalik uzoq emas.
Mutaxassislar ta’kidlashicha, yaponlarning haqiqiy uzoq umr ko‘rish formulasi ularning turmush tarzi hamda jamiyatdagi munosabatlarda yotadi. Yaponlar har doim suhbatdoshining kayfiyatini buzmaslikka harakat qiladi, muloqotda iliqlik va hurmatni saqlashga intiladi.
Shu ijtimoiy muhit odamlarning hayotdan mamnun bo‘lishi, sog‘lom va uzoq umr ko‘rishiga katta ta’sir ko‘rsatmoqda. Shunday qilib, uzoq umr ko‘rish nafaqat ovqatlanish, balki madaniyat va jamiyatdagi munosabatlar bilan ham chambarchas bog‘liqdir.
