Rossiya BMT Xavfsizlik Kengashini isloh qilmoqchi
Xitoyning Baijiahao nashri xabar berishicha, dunyo Donald Trampning qattiq bayonotlari haqida muhokama qilayotgan bir paytda, Rossiya diplomatik yo‘l bilan Yaponiyani hayratga solgan. Bu haqda Zamin.uz xabar berdi.
Rossiya Tashqi ishlar vaziri Sergey Lavrov BMT Xavfsizlik Kengashini isloh qilish taklifini ilgari surdi. Uning fikricha, islohotlar doirasida Osiyo, Afrika va Lotin Amerikasi davlatlariga kengroq vakillik berilishi zarur.
Shu bilan birga, Lavrov Rossiyaning Braziliya va Hindistonni Xavfsizlik Kengashining doimiy a’zolari qatoriga qo‘shishni qo‘llab-quvvatlashini ma’lum qildi. Bu esa Yaponiya uchun jiddiy to‘siq bo‘ldi, chunki Tokio ham doimiy a’zolikka intilmoqda.
Nashr ta’kidicha, Lavrovning taklifi diplomatik jihatdan samarali bo‘lib, Yaponiyaning BMT Xavfsizlik Kengashiga kirish orzusini amalga oshmas orzuga aylantirishi mumkin. Bu holat mintaqaviy siyosatda yangi o‘zgarishlarga sabab bo‘lishi kutilmoqda.
Rossiyaning bu tashabbusi xalqaro maydonda muhim mavqe kasb etgan davlatlarning manfaatlarini hisobga olishga qaratilgan. Shu tariqa, BMT tizimida adolat va vakillik muvozanatini ta’minlash maqsad qilingan.
