Tramp Kim Chen In bilan uchrashuvga tayyor turibdi
AQSH prezidenti Donald Tramp Shimoliy va Janubiy Koreya o‘rtasidagi quroldan xoli hududda KXDR yetakchisi Kim Chen In bilan uchrashishi mumkin. Bu haqda Zamin.uz xabar berdi.
Bu haqda Yaponiyaning Nikkei Asia nashri ma’lumot berdi. Trampning Osiyo mamlakatlariga, jumladan Malayziya, Yaponiya va Janubiy Koreyaga tashrifi davomida bir qator uchrashuvlar o‘tkazilishi rejalashtirilgan.
U Hindiston bosh vaziri Narendra Modi bilan Rossiya neftini sotib olish masalasini muhokama qiladi. Shuningdek, Osiyo-Tinch okeani iqtisodiy hamkorligi tashkiloti sammitida Xitoy raisi Si Szinpin bilan muzokaralar olib borishi kutilmoqda.
Bundan tashqari, Tramp Yaponiyaning yangi saylanadigan bosh vaziri bilan ham uchrashadi. Yonhap agentligining xabar berishicha, AQSH prezidenti KXDR yetakchisi bilan hech qanday oldingi shartlarsiz muzokaralar o‘tkazishga tayyor ekanligini bildirdi.
Ushbu uchrashuvlar mintaqadagi tinchlik va xavfsizlikni mustahkamlashga qaratilgan muhim qadam sifatida baholanmoqda.
