Janubiy Koreya ish vaqtini qisqartirishni rejalashtirmoqda

Janubiy Koreya prezidenti Li Chje Myon mamlakatda tug‘ilish darajasini oshirish maqsadida yangi tashabbusni ilgari surdi. Bu haqda Zamin.uz xabar berdi.

Unga ko‘ra, yoshlar uchun ish va shaxsiy hayot o‘rtasida barqaror muvozanat yaratish demografik inqirozni yengishning eng muhim omili hisoblanadi. Bild nashri ushbu tashabbus haqida ma’lumot berdi.

Prezident “Uzoq ish vaqti yoshlarning martaba va oilaviy hayotini uyg‘unlashtirishga to‘sqinlik qiladi” nomli tadqiqotni misol keltirdi. Tadqiqotda janubiy koreyaliklar yiliga o‘rtacha 1874 soat ishlashi qayd etilgan bo‘lib, bu ko‘rsatkich Iqtisodiy hamkorlik va taraqqiyot tashkiloti o‘rtachasidan 130 soatga yuqoridir.

Shu sababli hukumat ish vaqtini 2030-yilgacha haftasiga 40 soatdan 36 soatga qisqartirishni, keyinchalik esa to‘rt kunlik ish haftasini joriy etishni rejalashtirmoqda. Muhimi, ish haqi o‘zgarmaydi.

Kasaba uyushmalari ushbu tashabbusni qo‘llab-quvvatlab, uni tug‘ilishni oshirish uchun yagona samarali chora deb baholadi. Biroq, biznes sohasidan ba’zi vakillar bu o‘zgarish iqtisodiy o‘sishga salbiy ta’sir ko‘rsatishi mumkinligini ta’kidlamoqda.

Ma’lumot uchun, Janubiy Koreya dunyoda eng past tug‘ilish darajasiga ega davlatlardan biridir. Hozirda har bir ayolga o‘rtacha 0,75 nafar bola to‘g‘ri keladi.

Shu bois, yangi islohotlar mamlakat demografik barqarorligini ta’minlashda muhim ahamiyatga ega bo‘lishi kutilmoqda.