Polsha va Rossiya o‘rtasida kiberurush holati yuzaga keldi
Polsha Milliy Xavfsizlik Byurosi rahbari Slavomir Senskevich mamlakat va Rossiya o‘rtasida kibermakonda real urush holati mavjudligini ma’lum qildi. Bu haqda Zamin.uz xabar berdi.
Financial Times nashrining xabar berishicha, Senskevich bu holat oddiy xavf-xatardan ko‘ra ko‘ra ko‘proq ochiq "kiberfront"dagi to‘qnashuv ekanini ta’kidladi. Uning so‘zlariga ko‘ra, Rossiya Yevropa Ittifoqi davlatlarida kriptovalyutalar orqali moliyalashtiriladigan agentlar tarmog‘ini tashkil qilgan.
Bu tarmoq Yevropaning xavfsizlik infratuzilmalariga qarshi gibrid hujumlar uyushtirmoqda. Ushbu hujumlar dronlardan foydalanib havo hududini buzishdan tortib, muhim infratuzilmalarni ishdan chiqarishga qaratilgan tahdidlargacha yetib bormoqda.
Senskevich shuningdek, NATOning Polsha uchun eng muhim va ishonchli harbiy ittifoq ekanligini ta’kidladi va Polsha NATO bilan aloqalarni mustahkamlashda davom etishini bildirdi. Mutaxassislar fikricha, bu bayonot Rossiya bilan munosabatlardagi keskinlikni kuchaytirishi mumkin.
Shu bois Yevropa Ittifoqi qo‘shimcha xavfsizlik choralarini ko‘rib chiqmoqda. Polsha va Yevropa davlatlari o‘rtasida xavfsizlikni ta’minlash masalalari dolzarb ahamiyat kasb etmoqda.
