Janubiy Italya iqtisodi 8,6 foizga o‘smoqda
Italiyaning janubiy viloyatlarida so‘nggi yillarda iqtisodiy faollik sezilarli darajada oshmoqda. Bu haqda Zamin.uz xabar berdi.
Avval ko‘plab odamlar ish izlash maqsadida shimolga yoki chet elga ketgan bo‘lsa, hozirda ish topish imkoniyatlari yaxshilanganligi tufayli ular o‘z vatanga qaytmoqda. Yevropa Ittifoqi mablag‘lari hisobiga qurilish va infratuzilma ishlari kengayib bormoqda.
2022 yildan 2024 yilgacha bo‘lgan davrda janubiy hududlarning iqtisodiy o‘sishi 8,6 foizga yetdi. Ayniqsa, qurilish sohasida yangi ish o‘rinlari ko‘paymoqda.
Eng yirik loyihalardan biri sifatida Sitsiliya oroli bilan Italiya materigini bog‘lovchi Messina ko‘prigi qurilishi amalga oshirilmoqda. Ushbu loyiha minglab odamlar uchun yangi ish o‘rinlari yaratishi kutilmoqda.
Mutaxassislarning fikricha, agar janubiy hududlardagi iqtisodiy o‘sish davom etsa, odamlar shimolga ko‘chish o‘rniga o‘z yurtlarida qolishni afzal ko‘radilar. Bu esa mintaqaviy rivojlanish va barqarorlikni ta’minlashga xizmat qiladi.
Shunday qilib, janubiy Italiya iqtisodiy jihatdan yanada kuchayib, aholining hayot sifatini yaxshilashga imkon beradi.
