Amurda ishchilarni olib ketayotgan avtobus ag‘darildi
Rossiyaning Amur viloyatida katta yo‘l-transport hodisasi yuz berdi. Bu haqda Zamin.uz xabar berdi.
Svobodny shahri yaqinida ishchilarni olib ketayotgan avtobus yengil avtomobil bilan to‘qnashib, ag‘darildi. Hodisa natijasida bir kishi halok bo‘ldi, bir necha kishi esa og‘ir jarohat oldi.
Bu haqda TASS axborot agentligi xabar berdi. Ma’lumotlarga ko‘ra, 16 oktabr kuni kechqurun Amur gaz-kimyo majmuasi qurilishida ishlayotgan ishchilarni tashuvchi Toyota Probox yengil mashinasi bilan to‘qnashgan.
Avtobus Turkiyaning Yamata kompaniyasiga tegishli bo‘lib, unda Turkiya, O‘zbekiston va Tojikiston fuqarolari ishlagan. To‘qnashuv kuchli bo‘lgani sabab, avtobus yo‘l chetiga chiqib, ag‘darilgan.
Hodisa joyiga tez yordam va qutqaruv xizmatlari yetib bordi. Rasmiy ma’lumotga ko‘ra, jami 49 kishi jarohatlangan, ulardan biri voqea joyida vafot etgan.
14 kishi shifoxonaga yotqizilgan, bir kishi og‘ir ahvolda reanimatsiya bo‘limida davolanmoqda. Rossiya Tergov qo‘mitasi hodisa yuzasidan tekshiruv boshladi.
Jinoyat ishi Jinoyat kodeksining 238-1-moddasi — “Xavfsizlik talablariga javob bermaydigan ishlar yoki xizmatlar ko‘rsatish” bo‘yicha ochildi. Hozirda voqea sabablari o‘rganilmoqda.
Dastlabki ma’lumotlarga ko‘ra, yengil avtomobil haydovchisi yo‘l qoidalarini buzgan bo‘lishi mumkin. Avtobus va yengil mashina texnik ekspertizadan o‘tkaziladi.
Yamata kompaniyasi hodisadan so‘ng maxsus komissiya tuzganini va jarohatlangan ishchilarga tibbiy yordam ko‘rsatilayotganini ma’lum qildi. Mahalliy ommaviy axborot vositalarining xabar berishicha, avtobusdagi ishchilar asosan Amur gaz-kimyo majmuasining qurilish maydonida ishlayotgan xorijlik mutaxassislar bo‘lib, ular har kuni kompaniya tomonidan tashish xizmatiga ega.
Fojia Rossiya jamoatchiligida keng muhokama qilinmoqda. Tergov natijalari va avtobus haydovchisining harakatlari haqida yaqin kunlarda qo‘shimcha ma’lumot berilishi kutilmoqda.
Mahalliy hokimiyat va konsulliklar jabrlanuvchilarga yordam ko‘rsatish uchun shifoxonalar bilan aloqada ekanligini bildirdi.
