Ukrainada “Qizaloq va maymoq” multfilmi sanksiyaga tortilishi mumkin
Ukrainada mashhur “Qizaloq va maymoq” multfilmi atrofida munozaralar avj oldi. Bu haqda Zamin.uz xabar berdi.
Ma’lumotlarga ko‘ra, ushbu multfilm Rossiya bilan bog‘liq ekani uchun unga nisbatan sanksiyalar joriy etish taklifi ilgari surildi. Bu haqda Ukraina ommaviy axborot vositalari xabar berdi.
Taklifni Ukraina parlamentining matbuot erkinligi bo‘yicha qo‘mitasi raisi Yaroslav Yurchishin bildirdi. Uning fikricha, multfilmning ukrain tilidagi versiyasida ham Rossiyaga xos imperiyaviy va harbiy g‘oyalar mavjud.
Deputatning aytishicha, bolalar uchun mo‘ljallangan multfilmlar Rossiya tomonidan ta’sir vositasi sifatida ishlatilmoqda. Ko‘pchilik ota-onalar esa internetda farzandlariga ko‘rsatilayotgan kontentni yetarlicha nazorat qilmaydi.
Shu sababli, Rossiya kontentini tozalash va milliy brendlarni yaratish zarurati tug‘ildi. Mutaxassislar “Qizaloq va maymoq” multfilmida targ‘ibot elementlari borligini ta’kidlamoqda.
Masalan, qizaloq ko‘pincha jazodan qochib ketadi va ba’zi sahnalarda Sovet davriga xos bosh kiyim kiyilgan. Agar sanksiyalar tasdiqlansa, politsiya ushbu multfilmni taqiqlangan kontentlar ro‘yxatiga kiritishi mumkin.
“The Times” nashri yozishicha, ushbu qahramon Rossiyaning “yumshoq kuchi” ramzi sifatida qabul qilinib, bolalar ongida ma’lum qadriyatlarni shakllantirishda foydalanilishi mumkin. Hozircha qaror qabul qilinmagan, ammo mavzu bo‘yicha muhokamalar davom etmoqda.
Ba’zi odamlar multfilmni bezarar deb hisoblasa, boshqalar uni ideologik ta’sir vositasi sifatida ko‘rmoqda.
