Ukrainalik qochqin Irina pichoq bilan o‘ldirildi
Amerika Qo‘shma Shtatlarida 34 yoshli Dekarlos Braun 23 yoshli ukrainalik qochqin Irina Zarutskayani qasddan o‘ldirishda ayblanmoqda. Bu haqda Zamin.uz xabar berdi.
NBC News xabariga ko‘ra, hakamlar hay’ati uning harakatlarini “atayin sodir etilgan qotillik” deb baholagan. Bu ayblov unga nisbatan o‘lim jazosining qo‘llanilishi ehtimolini oshirmoqda.
Irina Ukrainadagi urushdan qochib, yangi hayot boshlash umidida AQShga kelgan edi. U ingliz tilini o‘rganib, mustaqil ravishda ishga joylashgan.
Biroq, 22 avgust kuni jamoat transportida fojiali voqea yuz berdi. Braun unga pichoq bilan uch marta zarba berib, hodisa joyida Irina halok bo‘ldi.
Ma’lum bo‘lishicha, ayblanuvchi ilgari qurolli talonchilik va o‘g‘rilik uchun jinoiy javobgarlikka tortilgan. Hujumdan so‘ng u politsiya tomonidan tezda qo‘lga olindi.
Irinaning yaqinlari adolat tiklanishini talab qilmoqda va prokuraturaning qat’iy pozitsiyasi uchun minnatdorlik bildirmoqda. Fojia yuz berganidan so‘ng Shimoliy Karolina gubernatori “Irina qonuni”ni imzoladi.
Ushbu qonunga ko‘ra, sudlar garov puli miqdorini belgilashdan oldin jinoyatchining xavflilik darajasini sinchkovlik bilan baholashi kerak bo‘ladi. Qonun fuqarolar xavfsizligini ta’minlash va shunday holatlarning oldini olish maqsadida qabul qilingan.
