Yangi Toshkentda aeroport qurilishi uchun yer ajratildi
Toshkent viloyatida yangi aeroport qurilishi rejalashtirilmoqda. Bu haqda Zamin.uz xabar berdi.
Ushbu loyiha Yangi Toshkent loyihasi doirasida amalga oshiriladi. Ma'lum qilinishicha, aeroport Qibray va O‘rtachirchiq tumanlari oralig‘idagi hududda barpo etiladi.
Qurilish ishlari davomida ayrim fuqarolarning uy-joylari va boshqa bino-inshootlari buzilishi kutilmoqda. Aeroport qurilishi uchun O‘rtachirchiq tumanidagi "Xalqobod" va "Yangiyo‘l" mahallalari hududlari ajratilgan.
Shu munosabat bilan tumanning hokimi aholi bilan uchrashuv o‘tkazdi. Uchrashuv davomida fuqarolarga ularning mulklari buzilishi holatida kompensatsiya qanday tartibda to‘lanishi haqida batafsil tushuntirish berildi.
Loyiha doirasida davlat tomonidan mulkdorlarning huquqlari himoya qilinishi va ularga tegishli mablag‘lar qonunchilikka muvofiq to‘lab berilishi ta'minlanadi. Hokimlik vakillari bu jarayon shaffof va adolatli amalga oshirilishini ta'kidlashdi.
