Luvr talonchiligi: uchinchi gumonlanuvchi qo‘lga olindi
Luvr muzeyidagi talonchilik ishi bo‘yicha uchinchi gumonlanuvchi qo‘lga olinib, hibsga olindi. Bu haqda Zamin.uz xabar berdi.
Bu haqda BFMTV xabar berdi. Hozirda uning so‘rovi politsiya tergovchilari tomonidan davom ettirilmoqda.
26-oktyabr kuni ushbu ish bo‘yicha ikki nafar gumonlanuvchi hibsga olingan edi. Ularning biri Sena-Sen-Deni hududida yashovchi shaxs bo‘lib, Sharl de Goll aeroportida Jazoirga uchib ketishga uringan vaqtida qo‘lga tushgan.
Parij prokurori Lor Bekko tergov jarayoni haqida ma’lumotlarning tarqalib ketganidan norozilik bildirib, bu holat yuzdan ortiq tergovchi ishtirok etayotgan surishtiruvga xalaqit berayotganini ta’kidladi. Ichki ishlar vaziri Loran Nunes esa politsiya xodimlariga tezkor harakatlari uchun minnatdorchilik bildirgan, biroq tafsilotlarni oshkor qilishdan tiyilgan.
Talonchilik 19-oktyabr kuni sodir bo‘lgan. To‘rt nafar niqob kiygan jinoyatchi XIX asrga tegishli sakkizta zargarlik buyumini o‘g‘irlab ketgan.
Ushbu buyumlarning umumiy qiymati taxminan 102 million dollarni tashkil etadi. O‘g‘irlangan buyumlar orasida qirolicha Mariya-Ameliyaning toj va sirg‘alari, shuningdek, imperator ayol Evgeniyaning tojlari ham bo‘lgan.
Ayni damda o‘g‘irlangan buyumlar hali topilmagan. Tergov ishlari davom etmoqda.
