Karib dengizida “Melissa” dovuli vayronagarchilik keltirdi

Karib dengizi hududida “Melissa” nomli kuchli dovul katta talafotlarga sabab bo‘ldi. Bu haqda Zamin.uz xabar berdi.

Dovul Yamayka, Gaiti va Kuba davlatlarida vayronagarchiliklar, suv toshqinlari va elektr energiyasi uzilishlariga olib keldi. Hodisa oqibatida o‘nlab odamlar halok bo‘ldi, minglab aholi esa boshpanasiz qoldi.

Eng katta zarar Yamaykada qayd etildi. Mamlakat bosh vaziri Endryu Xolnesning ma’lumotiga ko‘ra, orolning katta qismida uylar, shifoxonalar va jamoat binolari vayron bo‘lgan.

“Uylarning tomlarining 80 foizdan ortig‘i uchib ketdi, elektr energiyasi butunlay uzildi”, dedi bosh vazir. Dovul keyinchalik Gaiti va Kuba tomon harakatlandi.

Gaitida kuchli yomg‘ir va suv toshqinlari oqibatida kamida 20 kishi, jumladan bolalar halok bo‘ldi. Kubada esa shamolning tezligi soatiga 185 kilometrga yetib, janubi-sharqiy hududlarda jiddiy zarar yetkazdi.

Buyuk Britaniya qiroli Charlz Yamaykada yuz bergan ushbu fojiadan chuqur qayg‘uda ekanini ma’lum qildi. AQSh esa dovuldan zarar ko‘rgan hududlarga yordam ko‘rsatish uchun maxsus guruh yuborishni rejalashtirmoqda.

Mutaxassislarning fikriga ko‘ra, hududlarni tozalash va tiklash ishlari bir necha oy davom etishi mumkin.