Tramp Venesuelaga harbiy aralashuvdan voz kechdi

AQSh prezidenti Donald Tramp Venesuela prezidenti Nikolas Maduroga qarshi harbiy operatsiya boshlash ehtimoli haqida xavotir bildirgani haqida *The Wall Street Journal* xabar berdi. Bu haqda Zamin.uz xabar berdi.

Nashrning ma’lumotiga ko‘ra, Oq uy rahbari kuch ishlatish orqali hokimiyatni o‘zgartirish natijasiga shubha qilmoqda. Shu sababli u sanksiyalar va narkokartellarga qarshi operatsiyalar orqali bosimni oshirishni afzal ko‘rmoqda.

Oq uyga uch xil ssenariy taqdim etilgan: iqtisodiy choralar ko‘rish, harbiy ob’ektlarga aniq havo zarbalarini amalga oshirish yoki boshqa strategik choralarni qo‘llash. Biroq, manbalarga ko‘ra, Tramp bevosita harbiy aralashuvdan voz kechib, bosqichma-bosqich bosimni oshirish yo‘lini tanlamoqda.

U avvalgi rejimlarni o‘zgartirishga qaratilgan muvaffaqiyatsiz urinishlar takrorlanishidan xavotirda. Shu bilan birga, Pentagon Karib dengizi mintaqasiga o‘z harbiy kuchlarini, jumladan, USS Gerald R.

Ford aviatashuvchisini joylashtirishni davom ettirmoqda. Vashingtonda bu harakatlar kuch namoyishi sifatida baholanmoqda va jangovar harakatlarga tayyorgarlik sifatida ko‘rilmayapti.