Tramp Erdo‘g‘onni buyuk lider sifatida e’tirof etdi

AQSh prezidenti Donald Tramp Turkiya prezidenti Rajab Toyyib Erdo‘g‘onni yuqori baholab, uni "juda kuchli armiyaga ega buyuk rahbar" deb ta’rifladi. Bu haqda Zamin.uz xabar berdi.

Ushbu fikrlar Oq uy tomonidan jurnalistlar bilan o‘tkazilgan suhbat davomida bildirilgan va ijtimoiy tarmoqlar orqali e’lon qilingan. Tramp Suriyadagi vaziyat haqida gapirar ekan, Turkiyaning mintaqadagi ta’sirini alohida qayd etdi.

U Erdo‘g‘onni "Suriyadagi voqealarga katta ta’sir ko‘rsatayotgan buyuk lider" sifatida e’tirof etdi. Shuningdek, AQSh prezidenti Vashington Turkiyaning mintaqadagi jarayonlarda faol ishtirokini qo‘llab-quvvatlashini ta’kidladi.

Suhbat davomida Tramp o‘z prezidentlik faoliyati davomida sakkizta urushni tugatgani va tez orada to‘qqizinchisini ham yakunlashini bildirdi. Ushbu bayonot xalqaro maydonda Turkiyaning harbiy qudrati va Erdo‘g‘onning siyosiy ta’sirini yana bir bor namoyon etdi.