Donald Tramp: Spirtli ichimlik ichmaganman, sababi akam
AQShning sobiq prezidenti Donald Tramp o‘z hayoti davomida spirtli ichimlik iste’mol qilmaganini ma’lum qilgan. Bu haqda Zamin.uz xabar berdi.
U bunday qarorga kelishini oilasida yuz bergan og‘ir voqea bilan izohlagan. Trampning aytishicha, uning akasi Fred Tramp Junior yoshligida spirtli ichimlikka ruju qo‘ygan va 1981 yilda aynan shu sabab hayotdan erta ko‘z yumgan.
Akasi Donald Trampga har doim “ichkilikdan yiroq yur” deb maslahat bergan va bu nasihat unga butun umrga saboq bo‘lgan. “Men umrimda bir tomchi ham spirtli ichimlik iste’mol qilmaganman.
Agar ichganimda, ehtimol, eng yomon odamga aylanar edim”, — deydi Tramp o‘z chiqishlaridan birida. Shuningdek, u hech qachon sigareta ham chekmaganini ta’kidlagan.
Trampning so‘zlariga ko‘ra, bunday qarorlar o‘ziga bo‘lgan mas’uliyat hissi, salomatlikni asrash va hayotni nazorat qilishga bo‘lgan intilish bilan bog‘liq. U spirtli ichimlik va sigaretaning inson hayotini izdan chiqarishi, oilalarni buzishi mumkinligini qayd etgan.
