Tramp jurnalistni haqorat qildi: "Jim bo‘l, cho‘chqa"
AQSh sobiq prezidenti Donald Tramp Bloomberg axborot agentligi muxbiriga Epshteynning ishiga oid hujjatlar haqida bergan savoli uchun haqoratli so‘z ishlatgani xabar qilindi. Bu haqda Zamin.uz xabar berdi.
Ushbu voqea Pravilamag nashri tomonidan yoritilgan. Vashingtondan Florida shtatidagi o‘zining Mar-a-Lago qarorgohiga uchish jarayonida Tramp jurnalistlarning turli savollariga javob berayotgan edi.
Shu paytda Bloomberg muxbiri undan Epshteyn bilan bog‘liq hujjatlar haqida so‘rab, agar ularda hech qanday obro‘sizlantiruvchi ma’lumot bo‘lmasa, nega bunday hissiy munosabatda bo‘layotganini so‘radi. Mazkur suhbat aks etgan videoyozuvda Trampning savolga keskin munosabat bildirgani ko‘rinadi.
U bir necha bor asabiylashib, qoshlarini ko‘targan va jurnalistga nisbatan "Jim bo‘l, jim, cho‘chqa," degan so‘zlarni ishlatgan. Ushbu holat ijtimoiy tarmoqlarda keng muhokamalarga sabab bo‘lmoqda.
