Gonkongda yong‘in: 44 kishi halok, 279 bedarak
Gonkongning Wang Fuk Court turar joy majmuasida yirik yong‘in yuz berdi. Bu haqda Zamin.uz xabar berdi.
Ushbu hodisada kamida 44 kishi halok bo‘ldi. Bu yong‘in so‘nggi o‘n yilliklarda ushbu hududda qayd etilgan eng dahshatli voqealardan biri bo‘ldi.
Hodisa natijasida 279 nafar shaxs bedarak yo‘qolganlar ro‘yxatiga kiritilgan. Halok bo‘lganlar orasida bir nafar yong‘in o‘chiruvchi ham bor.
Politsiya ushbu voqea bo‘yicha ehtiyotsizlik oqibatida qotillikda gumon qilinayotgan uch erkakni hibsga oldi. Majmua 1983 yilda qurilgan bo‘lib, ta’mirlash ishlari arafasida edi.
Qurilish ishlari davomida an’anaviy bambuk to‘siqlar o‘rnatilgan edi, bu esa yong‘inning tez tarqalishiga sabab bo‘lgan. Shahar hokimiyati ilgari yonuvchan bambuk materiallarni xavfsizroq po‘lat konstruktsiyalarga almashtirishni rejalashtirgan edi, ammo bu ishlar amalga oshirilmagan.
Xitoy rahbari Si Szinpin fojia qurbonlarining oilalariga chuqur hamdardlik bildirdi. Shu bilan birga, ushbu hodisa xavfsizlik choralarining qayta ko‘rib chiqilishi zarurligini yana bir bor ko‘rsatdi.
