Janubiy Afrikada Rossiya armiyasiga yollanganlar qo‘lga olindi
Janubiy Afrikada politsiya Rossiya harbiy xizmatiga qo‘shilish uchun yo‘lga chiqqan to‘rt nafar shaxsni hibsga oldi. Bu haqda Zamin.uz xabar berdi.
Ular Johannesburg xalqaro aeroportida qo‘lga olingan. Politsiya bergan ma’lumotga ko‘ra, ushbu shaxslar Rossiya armiyasiga yollanib, harbiy xizmatga qo‘shilishga taklif qilingan.
Hibsga olish aeroport politsiyasi tomonidan berilgan ma’lumot asosida amalga oshirilgan. Dastlabki tergov natijalariga ko‘ra, Janubiy Afrikadan bir ayol ushbu shaxslarning Rossiyaga safarini tashkil qilgan va ularni yollashda yordam bergan.
Hozirda ushbu to‘rt shaxs xorijiy harbiy xizmatga yordam ko‘rsatish va ruxsatsiz chet el armiyasida qatnashish qoidalarini buzganlikda ayblanmoqda. Ular dushanba kuni sudga chiqarilishi rejalashtirilgan.
Shu bilan birga, politsiya ilgari Ukrainada qolib ketgan va keyinchalik Rossiyaga yetkazilgan 17 nafar janubiy afrikalik bilan bog‘liq holatni ham o‘rganmoqda. Janubiy Afrika Prezidenti Siril Ramafosa ushbu voqeani batafsil tergov qilish bo‘yicha ko‘rsatma bergan.
Tergov natijasida aniqlangan barcha ma’lumotlar jamoatchilikka e’lon qilinishi kutilmoqda.
