OPEK+ neft qazish kvotalarini 2024-yilgacha uzaytirdi
OPEK+ tashkiloti neft qazib olish bo‘yicha joriy kvotalarni 2024-yil oxirigacha uzaytirishga qaror qildi. Bu haqda Zamin.uz xabar berdi.
Ushbu qaror tashkilotning rasmiy saytida e’lon qilindi. 30-noyabr kuni OPEK davlatlari vakillari yig‘ilishida mazkur qaror tasdiqlandi.
Tashkilot vakillarining ma’lum qilishicha, neft qazib olish kvotalariga oid masalalar har oyda ikki marta o‘tkaziladigan qo‘mita uchrashuvlarida ko‘rib chiqiladi. Tashkilot bayonotida sakkizta ishtirokchi davlat kuniga 1,65 million barrel neft qazib chiqarishni qisman yoki to‘liq tiklashi mumkinligi qayd etilgan.
Bu qaror bozor sharoitlari va ehtiyojlardan kelib chiqib amalga oshiriladi. Ma’lumotlarga ko‘ra, joriy yilda umumiy uglevodorod qazib olish hajmi kuniga 39,7 million barrelni tashkil etmoqda.
OPEK+ hisob-kitoblariga ko‘ra, 2030-yilga kelib global neft savdosi hajmi kuniga 61 million barrelga yetishi kutilmoqda. O‘tgan yilda bu ko‘rsatkich 55 million barrelni tashkil qilgan edi.
Yaqin Sharq davlatlaridan uglevodorod eksporti kuniga 23,5 million barrelga oshishi prognoz qilinmoqda. Asosiy neft xaridorlari esa Osiyo-Tinch okeani mintaqasi davlatlari bo‘lishi aytilmoqda.
