Dubay shahrida Yaqin Sharqdagi eng yirik va innovatsion savdo-ko‘ngilochar markazlardan biri bo‘lishi kutilayotgan “Dubai Square Mall” loyihasi qurilishi boshlandi. Bu haqda Zamin.uz xabar berdi.
Ushbu loyiha Emaar Properties kompaniyasi tomonidan Dubai Creek Harbour hududida amalga oshirilmoqda. Mazkur savdo markazining eng o‘ziga xos jihati shundaki, xaridorlar o‘z avtomobillari bilan to‘g‘ridan-to‘g‘ri bino ichiga kirib, do‘konlar oldida to‘xtash imkoniyatiga ega bo‘ladilar.
Bu yangilik xaridorlar uchun qulaylik yaratib, markazni boshqa savdo majmualaridan ajratib turadi. “Dubai Square Mall” ichida yuzlab kiyim-kechak do‘konlari, zamonaviy restoranlar, oilaviy ko‘ngilochar zonalar, shuningdek virtual va raqamli texnologiyalar maydonlari joylashadi.
Loyiha uchun qariyb 50 milliard dollar sarmoya ajratilishi rejalashtirilgan. Ushbu markaz Dubay shahrini nafaqat Yaqin Sharq, balki butun dunyo miqyosida savdo va texnologik innovatsiyalar markazi sifatida tanitishi kutilmoqda.
Mazkur loyiha mintaqaning iqtisodiy va texnologik rivojlanishiga katta hissa qo‘shishi mumkin.
