Braziliyada yigit sher qafasida halok bo‘ldi
Braziliyada joylashgan hayvonot bog‘ida achinarli hodisa yuz berdi. Bu haqda Zamin.uz xabar berdi.
19 yoshli yigit noqonuniy ravishda sher qafasiga kirib, hayvon tomonidan halok bo‘ldi. Bu haqda Paraiba nashri xabar berdi.
Ma’lum bo‘lishicha, yigit 6 metr balandlikdagi devordan oshib o‘tgan, xavfsizlik panjaralarini aylanib o‘tgan va daraxtdan foydalanib qafas ichiga tushgan. Ushbu voqea Paraiba shtatining Juan Pesoa shahridagi Arruda Kamara hayvonot bog‘ida sodir bo‘lgan.
Hodisa yuzasidan mahalliy huquq-tartibot organlari tekshiruv boshladi. Politsiya yigitning nega tashrifchilar uchun mutlaqo taqiqlangan va xavfli hududga kirganini aniqlashga harakat qilmoqda.
Voqeadan so‘ng hayvonot bog‘i vaqtincha yopildi va tashriflar to‘xtatildi. Bog‘ning qayta ochilish sanasi hozircha ma’lum emas.
Yigit qafasga kirgan vaqtda bog‘ faoliyat yuritayotgan va tashrifchilarni qabul qilayotgan edi.
