Aktobeda avtobus halokati: o‘zbekistonliklar jabrlanmadi
2025 yil 30 noyabr kuni soat 21:00da Qozog‘istonning Aktobe viloyatida Rossiya Federatsiyasi – Aktobe – Qizilorda – Almata yo‘nalishida harakatlanayotgan yo‘lovchi avtobusi yo‘l-transport hodisasiga uchradi. Bu haqda Zamin.uz xabar berdi.
Avtobus Moskva – Toshkent yo‘nalishi bo‘yicha qatnovni amalga oshirayotgan edi. O‘zbekistonning Aktau shahridagi Bosh konsulxonasining ma’lumotiga ko‘ra, avtobusda 54 nafar o‘zbekistonlik yo‘lovchi bo‘lgan.
Hodisa oqibatida jabrlanganlar va halok bo‘lganlar yo‘q. Barcha yo‘lovchilar Aktobe viloyati Aytekebi tumanidagi Qorabutoq qishlog‘ida joylashgan masjidga vaqtincha joylashtirildi.
U yerda ularga zarur yordam ko‘rsatildi. Mazkur vaziyat O‘zbekistonning Qozog‘istondagi Elchixonasi va Bosh konsulligi tomonidan nazoratga olingan.
Qozog‘istonning mas’ul idoralari bilan doimiy aloqa o‘rnatilgan. Yo‘lovchilarni tezda O‘zbekistonga qaytarish uchun zarur chora-tadbirlar ko‘rilmoqda.
