Qozog‘istonda 4,1 ming o‘zbekistonlik talaba tahsil olmoqda
2025 yilda Qozog‘iston oliy ta’lim muassasalarida 4,1 ming nafar o‘zbekistonlik talaba tahsil olmoqda. Bu haqda Zamin.uz xabar berdi.
Bu haqda "Liter.kz" nashri xabar berdi. Ma’lumotlarga ko‘ra, chet ellik talabalar soni bo‘yicha O‘zbekiston Turkmaniston va Hindistondan keyingi uchinchi o‘rinni egallaydi.
Umuman olganda, Qozog‘istondagi oliy ta’lim muassasalarida 88 ta davlatdan jami 35,1 ming nafar talaba tahsil olayotgani qayd etilgan. Bu ko‘rsatkich 2024 yilga nisbatan 11 foizga oshgan.
Talabalar orasida sog‘liqni saqlash, pedagogika va axborot texnologiyalari eng ommabop yo‘nalishlar bo‘lib qolmoqda. Sog‘liqni saqlash yo‘nalishida tahsil olayotgan talabalar soni 12,9 ming nafarni tashkil etadi.
Qozog‘istonning yirik shaharlari Olmaota, Ostona va Chimkent chet ellik talabalarni jalb qiluvchi asosiy ta’lim markazlariga aylangan. Bu shaharlar nafaqat o‘qish, balki xalqaro talabalar uchun qulay sharoitlari bilan ham ajralib turadi.
