TBC Bank MDHda yuqori o‘rinlarni egalladi

TBC Bank MDH mintaqasidagi yetakchi banklar ro‘yxatida yuqori pog‘onaga ko‘tarildi. Bu haqda Zamin.uz xabar berdi.

The Banker reytingiga ko‘ra, bank 18 pog‘ona yuqorilab, MDH banklari orasida 51-o‘rinni egalladi. O‘zbekistonda esa TBC Bank birlamchi kapital ko‘rsatkichi bo‘yicha 14-o‘rinni band etdi.

The Banker har yili banklarni birlamchi kapital va boshqa sakkizta mezon, jumladan, barqarorlik, daromadlilik va samaradorlik bo‘yicha baholaydi. Mazkur reytingning yangilangan modeli banklarni solishtirishda kengroq ma’lumotlar to‘plamini hisobga olib, yanada aniqroq baholash imkonini beradi.

TBC Uzbekistan bosh direktori Nika Kurdianining ta’kidlashicha, bankning ushbu muvaffaqiyati O‘zbekistondagi raqamli bank ekotizimining rivojlanishini aks ettiradi. 2025 yilga kelib, TBC Uzbekistan mijozlar bazasi 22 million ro‘yxatdan o‘tgan foydalanuvchiga yetdi.

Bank o‘zining kredit va depozit portfellarini oshirishni davom ettirmoqda.